پنجاب کے تعلیمی اداروں میں 28مئی سے گرمیوں کی چھٹیوں کا اعلان

بڑھتی گرمی کے پیش نظر محکمہ تعلیم نے سکولوں کے اوقات کار میں بھی کمی کر دی

منگل 20 مئی 2025 15:27

لاہور (اُردو پوائنٹ اخبارتازہ ترین - این این آئی۔ 20 مئی2025ء) پنجاب کے تعلیمی اداروں میں موسم گرما کی تعطیلات کا اعلان کر دیا گیا جبکہ بڑھتی ہوئی گرمی کے پیش نظر محکمہ تعلیم پنجاب نے سکولوں کے اوقات کار میں بھی کمی کر دی۔

(جاری ہے)

وزیر تعلیم پنجاب رانا سکندر حیات نے کہا کہ سکولوں میں گرمیوں کی چھٹیاں 28مئی سے ہوں گی، فیصلے کا اطلاق تمام سرکاری اور نجی سکولز پر ہوگا۔دوسری جانب بڑھتی ہوئی گرمی کے پیش نظر محکمہ تعلیم پنجاب نے سکولوں کے اوقات کار میں بھی کمی کر دی۔صوبائی وزیر تعلیم سکندر حیات نے اپنے آفیشل سوشل میڈیا اکائونٹ سے اعلان کیا، جس کے مطابق سرکاری سکول صبح ساڑھے 7بجے سے دوپہر ساڑھے 11بجے تک لگیں گے، 28مئی سے قبل تمام سکولز محدود اوقات کار پر کلاسز کا انعقاد کریں گے۔