Live Updates

میرے خلاف ریفرنس جھوٹ پر مبنی ہے جو مسترد ہوگا‘ جمشید احمد دستی

منگل 20 مئی 2025 23:03

اسلام آباد(اُردو پوائنٹ اخبارتازہ ترین - آن لائن۔ 20 مئی2025ء)پی ٹی آئی کے رکن اسمبلی جمشید احمد دستی نے کہاہے کہ میرے خلاف ریفرنس جھوٹ پر مبنی ہے جو مسترد ہوگا‘ ریفرنس بھجوانے کے معاملے میں سپیکر قومی اسمبلی نے جانبداری سے کام لیا ہے۔

(جاری ہے)

منگل کو الیکشن کمیشن میں اپنے خلاف جائیداد چھپانے اور جعلی اسناد کے حوالے سے دائر ریفرنس کی سماعت کے بعد میڈیا سے بات چیت کرتے ہوئے جمشید دستی نے کہاکہ الیکشن کمیشن میں میرے ریفرنس پر سماعت ہوئی ہے انہوں نے کہاکہ سپیکر قومی اسمبلی نے مجھے سامنے بٹھائے بغیر میرے خلاف ریفرنس الیکشن کمیشن کو بھجوایا ہے جبکہ اپنے اتحادیوں سے متعلق شکایت پر ریفرنس الیکشن کمیشن کو نہیں بھیجتا۔

انہوں نے کہاکہ ہمارا قصور ہے کہ ہم عمران خان کے ساتھی ہیں اور ہم بانی چیئرمین کے امیدوار ہیں انہوں نے کہاکہ میرے اوپر 2024 میں کاغذات نامزدگی پر مزدور لکھنے کا الزام ہے میں مزدور ہوں میرے خلاف میٹرک ایف اے کی ڈگری کے الزامات سے متعلق ریفرنس دائر کیاگیا ہے یہ ریفرنس جھوٹ پر مبنی ہے مسترد ہوگا۔۔۔۔۔۔۔اعجاز خان