Live Updates

وزیر اعلیٰ بلوچستان نے بلٹ پروف ڈائس ہٹوا دیا

دنیا کی کوئی طاقت مجھے اپنے لوگوں سے دور نہیں رکھ سکتی"میر سرفراز بگٹی

منگل 20 مئی 2025 21:05

برشور(اُردو پوائنٹ اخبارتازہ ترین - این این آئی۔ 20 مئی2025ء)وزیر اعلیٰ بلوچستان میر سرفراز بگٹی نے منگل کے روز برشور میں جلسہ عام سے خطاب سے قبل بلٹ پروف ڈائس ہٹوانے کا حکم دے کر جرات مندی اور عوام سے غیرمشروط وابستگی کا مظاہرہ کیا ۔

(جاری ہے)

انہوں نے کہا کہ سیکیورٹی اداروں نے مجھے برشور میں خطرے سے آگاہ کیا تھا مگر میں نے دوٹوک الفاظ میں کہا کہ جس وعدے پر میں یہاں آیا ہوں اسے ہر قیمت پر نبھاؤں گا جس نے جو کرنا ہے کر لے میرا سینہ حاضر ہے میں اپنے لوگوں کے درمیان آؤں گا اور دنیا کی کوئی طاقت مجھے ان سے جدا نہیں کرسکتی انہوں نے بلٹ پروف ڈائس کی طرف اشارہ کرتے ہوئے کہا کہ آج صبح میں نے اس ڈائس کو دیکھا جو شاید گولی کو روک سکتا ہو مگر عوام کی محبت کی تپش کو بھی کم کر دیتا ہے اپنے خطاب میں وزیر اعلیٰ نے کہا کہ میں آپ میں سے ہوں کوئی بلٹ پروف شیشہ کوئی حفاظتی دیوار مجھے اپنے لوگوں سے دور نہیں کر سکتی یہ سینہ حاضر ہے اٴْن کے لیے جو مجھے عوام سے اور پاکستان کی محبت سے الگ کرنا چاہتے ہیں۔