Live Updates

آئی پی ایل میں گجرات ٹائٹنز کی ٹیم 18پوائنٹس کے ساتھ سر فہرست

بدھ 21 مئی 2025 16:32

ممبئی (اُردو پوائنٹ اخبارتازہ ترین - اے پی پی۔ 21 مئی2025ء) انڈین پریمیئر لیگ میں اب تک کھیلے گئے میچوں میں گجرات ٹائٹنز کی ٹیم 18 پوائنٹس کے ساتھ سر فہرست ہے، رائل چیلنجرز بنگلور ودوسرے اور پنجاب کنگز تیسرے نمبر پر ہے۔ بورڈ آف کنٹرول فار کرکٹ ان انڈیا (بی سی سی آئی )کے زیراہتمام انڈین پریمیئر لیگ (آئی پی ایل) کا 18واں ایڈیشن بھارت میں جاری ہے جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔

میگا ایونٹ کی ٹیم گجرات ٹائٹنز کی عمدہ کارکردگی کا سلسلہ جاری ہے اور وہ 12 میں سے 9 میچ جیت کر 18 پوائنٹ کے ساتھ پہلے نمبر پر ہے، رائل چیلنجرز بنگلور واور پنجاب کنگز کی ٹیموں نے بھی 12،12 میچز کھیل لئے ہیں اور 8،8 میچز جیتنے کے بعد دونوں ٹیمیں 17،17 مساوی پوائنٹس کے ساتھ ٹیبل پر بالترتیب دوسرے اور تیسرے نمبر پر ہیں۔

(جاری ہے)

ممبئی انڈینز کی ٹیم 14 پوائنٹ کے ساتھ چوتھے اور دہلی کیپٹلز کی ٹیم 13 پوائنٹ کے ساتھ پانچویں نمبر پر موجود ہے۔

اسی طرح دفاعی چیمپئن کولکتہ نائٹ رائیڈرز ،لکھنؤ سپر جائنٹس،سن رائزرز حیدر آباد ،راجستھان رائلز اور چنائی سپر کنگز کی ٹیمیں ناک آئوٹ رائونڈ کے لئے کوالیفائی نہیں کر پائی ہیں۔ دفاعی چیمپئن کولکتہ نائٹ رائیڈرز کی ٹیم 12 پوائنٹ کے ساتھ چھٹے،لکھنؤ سپر جائنٹس10 پوائنٹ کے ساتھ ساتویں،سن رائزرز حیدر آباد کی ٹیم 9 پوائنٹ کے ساتھ آٹھویں ،راجستھان رائلز کی ٹیم 8 پوائنٹ کے ساتھ نویں جبکہ چنائی سپر کنگز کی ٹیم 6 پوائنٹ کے ساتھ دسویں نمبر پر ہے۔

واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔