Live Updates

بنگلادیش نے پاکستان کیخلاف ٹی ٹونٹی سیریز کے نئے شیڈول پر بھی اعتراض اٹھادیا

بی سی بی نے شیڈول تھوڑا آگے بڑھانے کی درخواست کردی

ذیشان مہتاب بدھ 21 مئی 2025 14:32

بنگلادیش نے پاکستان کیخلاف ٹی ٹونٹی سیریز کے نئے شیڈول پر بھی اعتراض ..

لاہور (اردو پوائنٹ تازہ ترین اخبار ۔ 21 مئی 2025ء ) بنگلا دیش کرکٹ بورڈ (بی سی بی) نے پاکستان سے سیریز کے نئے شیڈول پر بھی اعتراض جڑ دیا۔ ذرائع کا کہنا ہے کہ بنگلا دیشی بورڈ نے کنڈیشنز سے ہم آہنگی اور پریکٹس کیلئے شیڈول تھوڑا آگے بڑھانے کی درخواست کی ہے۔

گزشتہ روز تین ٹی20 انٹرنیشنل میچز کیلئے پاکستان کرکٹ بورڈ نے 27، 29 اور یکم جون کی تاریخیں تجویز کیں تھی۔

نئے شیڈول کے تحت میچز 28، 30 مئی اور یکم جون کو لاہور میں ہی کرانے کی تجویز سامنے آئی ہے۔

(جاری ہے)

بنگلا دیش کے دورے سے متعلق پاکستان کرکٹ بورڈ (پی سی بی) آج دوپہر تک اجلاس میں حتمی فیصلہ کرے گا کہ سابقہ یا نئے کس شیڈول کا انتخاب کیا جائے۔

یاد رہے کہ بھارتی پروپیگنڈہ کے باعث بنگلادیش ٹیم کے ممبران نے پہلے پاکستان نہ جانے کا فیصلہ کرلیا تھا۔

گزشتہ روز چئیرمین پی سی بی محسن نقوی کل خصوصی طور پر ایک روزہ دورے پر دئبی پہنچے تھے، جہاں انہوں نے بنگلا دیش کرکٹ بورڈ کے چیئرمین اور صدر سے ملاقاتیں کیں تھی اور دورے کیلئے قائل کیا تھا۔

نئے شیڈول میں 2 میچز کم کردیے گئے ہیں جبکہ فیصل آباد بھی اب میزبانی نہیں کر سکے گا۔