فیصل آباد،اوباش افراد نے ورغلا پھسلا کر دوشیزہ کو بے آبرو جبکہ 5خواتین اور 2لڑکوں کو اغوا کر لیا

جمعرات 22 مئی 2025 12:40

مکوآنہ (اُردو پوائنٹ اخبارتازہ ترین - این این آئی۔ 22 مئی2025ء)فیصل آباد اوباش افراد نے ورغلا پھسلا کر دوشیزہ کو بے آبرو جبکہ 5خواتین اور 2لڑکوں کو اغوا کر لیا۔پولیس نے مغویان کی بازیابی کیلئے ملزمان کی تلاش شروع کر دی۔

(جاری ہے)

تفصیلات کے مطابق غلام محمد آباد کے علاقہ رشید آباد کی رہائشی روبی کو اوباش ملزمان کمیل وغیرہ نے ورغلا کر ہوس کا نشانہ بنا ڈالا، مدینہ ٹائون کے علاقہ یوسف آباد کے طاہر کی اہلیہ (ک) کو نامعلوم، بٹالہ کالونی کے علاقہ محمدی چوک کے شہزاد کی والدہ (ش) کو نامعلوم ملزمان، جڑانوالہ کے علاقہ 75گ ب کے ندیم کی بیٹی(ش) کو نامعلوم ملزمان، ماموں کانجن کے سیف الرحمن کی بیٹی اور نواسے کی نامعلوم، سمندری کے علاقہ کبڈی چوک سے سیف الرحمن کی بیٹی (چ) کو اغوا کر لیا گیا‘ سمن آباد کے عبدالوحید کا بیٹا عبداللہ اور سمندری کے احسان علی کا بیٹا ذیشان گھر سے سودا سلف لینے گئے واپس نہ آئے‘ جنہیں نامعلوم ملزمان نے اغوا کر لیا۔

پولیس مصروف تفتیش ہے۔