پنجاب کی سب سے بڑی تحصیل جڑانوالہ میں کرائم کنٹرول میں نمایاں کمی، ایس پی ضیا الحق کی قیادت میں پولیس متحرک

جمعہ 23 مئی 2025 15:06

مکوآنہ(اُردو پوائنٹ اخبارتازہ ترین - این این آئی۔ 23 مئی2025ء) پنجاب کی سب سے بڑی اور اہم تحصیل جڑانوالہ میں تعینات ایس پی ضیا الحق اپنی خوبصورت شخصیت، ملنسار مزاج، نرم گفتاری اور عوام دوست رویے کی وجہ سے نہایت مقبول ہو چکے ہیں۔ ان کی تعیناتی کے بعد علاقے میں جرائم کی شرح میں واضح کمی دیکھنے میں آئی ہے، جو ان کی بہترین حکمت عملی اور عملی نگرانی کا منہ بولتا ثبوت ہے۔

ذرائع کے مطابق جڑانوالہ جیسے بڑے اور پیچیدہ علاقے میں جہاں ماضی میں چوری، ڈکیتی، رہزنی اور قتل جیسے سنگین جرائم عام تھے، اب ان میں نمایاں کمی آئی ہے۔ ایس پی ضیا الحق نے نہ صرف تھانوں کے ایس ایچ اوز کو متحرک کیا بلکہ خود فیلڈ میں نکل کر امن و امان کی صورتحال کو بہتر بنانے کے لیے عملی اقدامات کیے۔

(جاری ہے)

علاقے کے عوام کا کہنا ہے کہ ایس پی ضیا الحق نہایت عاجز اور نرم دل افسر ہیں، جو سائلین کی بات توجہ سے سنتے ہیں اور فوری احکامات صادر کر کے انہیں انصاف فراہم کرتے ہیں۔

ان کی زیر نگرانی کھلی کچہریوں کے انعقاد سے عوامی مسائل فوری حل ہو رہے ہیں اور پولیس پر عوام کا اعتماد بحال ہو رہا ہے۔نفری اور وسائل کی کمی ایک بڑا چیلنجاگرچہ جڑانوالہ پنجاب کی سب سے بڑی تحصیلوں میں سے بڑی ہیں، مگر اس کے باوجود یہاں پولیس نفری اور ٹرانسپورٹ کی شدید کمی درپیش ہے۔ محدود وسائل کے باوجود ایس پی ضیا الحق اور ان کا عملہ جرائم کی روک تھام کے لیے ہمہ وقت الرٹ اور متحرک ہے۔

شہریوں نے مطالبہ کیا ہے کہ وزیراعلی پنجاب اس اہم تحصیل کے مسائل بالخصوص نفری، ٹرانسپورٹ اور پولیس اہلکاروں کے ڈیوٹی اوقات میں بہتری کے لیے فوری اقدامات کریں۔پولیس ملازمین کے لیے سہولیات اور ڈیوٹی اوقات میں بہتری کی ضرورت علاقہ مکینوں کا کہنا ہے کہ جس طرح دیگر اداروں کے ملازمین کو سہولیات اور ڈیوٹی اوقات میں ریلیف دیا جاتا ہے، اسی طرز پر پولیس اہلکاروں کے لیے بھی اقدامات اٹھائے جائیں تاکہ وہ ذہنی و جسمانی طور پر مضبوط ہو کر جرائم کے خلاف مزید مثر کردار ادا کر سکیں