Live Updates

ملک میں ضروری اشیاء کی قیمتوں میں ہفتہ واربنیادوں پر0.29فیصدکی کمی، 1.35فیصداضافہ

جمعہ 23 مئی 2025 16:03

اسلام آباد (اُردو پوائنٹ اخبارتازہ ترین - اے پی پی۔ 23 مئی2025ء) ملک میں ضروری اشیاء کی قیمتوں میں ہفتہ واربنیادوں پر 0.29فیصدکی کمی اور سالانہ بنیادوں پر1.35فیصد اضافہ ہواہے۔پاکستان بیورو برائے شماریات کی جانب سے قیمتوں کے حساس اشاریہ (ایس پی آئی)بارے ہفتہ واررپورٹ کے مطابق 22مئی کوختم ہونے والے ہفتہ میں ملک میں 14اشیاء کی قیمتوں میں کمی اور24کی قیمتوں میں استحکام رہا۔

اس کے برعکس13ضروری اشیاء کی قیمتوں میں اضافہ ریکارڈکیاگیا۔

(جاری ہے)

ہفتہ رفتہ میں چکن کی قیمت میں 7.26فیصد،پیاز5.43فیصد،لہسن 2.71فیصد،ایل پی جی 2.44فیصد،آلو0.95فیصد،سرسوں کاتیل 0.80فیصد،ڈیزل 0.78فیصد،دال مسور0.46فیصد،کوکنگ آئل 0.4فیصد،اری سکس نائن چاول0.09فیصد، جلانے کی لکڑی 0.06فیصد، اڑھائی کلوبناسپتی گھی 0.05فیصد اورچینی کی قیمت میں 0.05فیصدکی کمی ہوئی، اس کے برعکس ٹماٹرکی قیمت میں 12.01فیصد،انڈے 8.16فیصد،گڑ1.50فیصد،کیلا1فیصد،دال مونگ 0.79فیصد،آٹا 0.63فیصد، دال چنا0.39فیصد،خشک دودھ 0.36فیصد،ٹوٹاباسمتی چاول 0.34فیصد،دال ماش 0.30فیصد،مٹن 0.26فیصد، انرجی سیور0.21فیصداوربیف کی قیمت میں 0.12فیصدکااضافہ ہوا، سب سے کم یعنی 17732روپے ماہوارآمدنی رکھنے والے گروپ کیلئے قیمتوں کے حساس اشاریہ میں 0.26فیصدکی کمی ہوئی،17733روپے سے لیکر22888روپے، 22889روپے سے لیکر29517رپے،29518روپے سے لیکر44175روپے اوراس سے زیادہ آمدنی رکھنے والے گروپوں کیلئے قیمتوں کے حساس اشاریہ میں بالترتیب 0.27فیصد،0.26فیصد،0.28فیصد اور0.30فیصدکی کمی ہوئی، صارفین کیلئے قیمتوں کے حساس اشاریہ کاتعین ملک کے 17بڑے شہروں کی 50مارکیٹوں میں 51ضروری اشیاء کی قیمتوں میں کمی بیشی کی بنیادپرکیاجاتاہے۔