Live Updates

بھارتی ویمن کرکٹر کی دوست گھر سے لاکھوں روپے لے اٴْڑی

خاتون کرکٹر کے فلیٹ سے قریبی دوست نے رقم چرائی، واقعہ سی سی ٹی وی میں ریکارڈ ہوگیا

جمعہ 23 مئی 2025 17:42

بھارتی ویمن کرکٹر کی دوست گھر سے لاکھوں روپے لے اٴْڑی

نئی دہلی (اُردو پوائنٹ اخبارتازہ ترین - این این آئی۔ 23 مئی2025ء)بھارت کی ویمن کرکٹر اور یو پی پولیس کی ڈی ایس پی دپتی شرما کی قریبی دوست نے لاکھوں کا چونا لگادیا۔میڈیا رپورٹس کے مطابق بھارت کی خاتون کرکٹر کے فلیٹ سے قریبی دوست نے 25 لاکھ کی بڑی رقم چرائی، جو سی سی ٹی وی میں ریکارڈ ہوگیا۔رپورٹس میں کہا گیا کہ آروشی اپنی دوست دیپتی شرما کے فلیٹ پر پہنچی اور وہاں سے زیورات، نقدی اور غیر ملکی کرنسی چرالی، جس کی شکایت کرکٹر کے بھائی نے پولیس کو کروائی۔

دپتی کے بھائی سمیت شرما نے پولیس کو بتایا کہ اس کی بہن کہرائی کے قریب فلیٹ ہے اور دہلی کی رہنے والی آروشی گوئل سے قریبی دوستی ہے، جو ان کے ساتھ جونیئر ٹیم میں کھیل چکی ہیں۔آروشی فی الحال آگرہ کینٹ ریلوے اسٹیشن پر جونیئر کلرک کے طور پر تعینات ہے،ان کی دوستی کے باعث آروشی، اس کی ماں اور والد نے تقریباً 25 لاکھ روپے لیے تھے لیکن جب بھی بہن دیپتی شرما پیسوں کا مطالبہ کرتی تو آروشی بہانہ بنادیتی تھی، بعدازاں آروشی اور اس کے خاندان والے نہ صرف بدتمیزی کررہے تھے بلکہ پیسے واپس لوٹانے سے بھی صاف انکار کردیا تھا۔

(جاری ہے)

سمیت شرما نے بتایا کہ بہن دیپتی نے آروشی کو اپنے فلیٹ میں آنے سے منع کردیا تھا، یہ 22 اپریل 2025 کا واقعہ ہے۔ جب آروشی چوری چٴْھپے فلیٹ پر آئی اور ڈھائی ہزار ڈالر، طلائی زیورات اور نقد رقم چرالی، یہ پورا واقعہ سی سی ٹی وی میں قید ہوگیا جبکہ اس وقت دیپتی کرکٹ مصرفیات کے سبب وقت بیرون ملک میں تھی۔سی سی ٹی وی چیک کیا گیا تو اس بات کی تصدیق ہوئی کہ آروشی پہلے آئی تھی اور اسی نے رقم چرائی، صدر پولیس کا کہنا ہے کہ معاملہ درج کرکے تحقیقات کا آغاز کردیا گیا ہے۔