مسلم لیگ ن آزاد کشمیر کے صدر کی فیلڈ مارشل جنرل عاصم منیر کو مبارکباد

جمعہ 23 مئی 2025 21:16

مظفرآباد (اُردو پوائنٹ اخبارتازہ ترین - آن لائن۔ 23 مئی2025ء) مسلم لیگ ن آزاد کشمیر کے صدر شاہ غلام قادر نے آرمی چیف جنرل سید عاصم منیر کو فیلڈ مارشل بنانے پر آزاد کشمیر اسمبلی کی جانب سے مبارکباد پیش کی ہے ۔ قانون ساز اسمبلی میں خطاب کرتے ہوئے انہوں نے کہاکہ جنرل عاصم منیر نے بھارتی جارحیت کا منہ توڑ جواب دیا۔

(جاری ہے)

دشمن کے عزائم خاک میں ملانے پر جنرل عاصم منیر کی جرا ت کو سلام پیش کرتے ہیں۔ انہوں نے کہا کہ فیلڈ مارشل کے عہدے پر ترقی وطن سے محبت کا بروقت اعتراف ہے، وزیراعظم شہباز شریف اور کابینہ کو جرا ت مندانہ فیصلے پر خراج تحسین پیش کرتے ہیں۔ انہوں نے کہا کہ فیلڈ مارشل عاصم منیر ملک کے دفاع کو ناقابلِ تسخیر بنائیں گے۔ جنرل عاصم منیر کی قیادت قوم کا فخر ہے۔