Live Updates

ڈونلڈ ٹرمپ کا ایپل کمپنی سے بھارت میں آئی فونز تیار نہ کرنے کا ایک بار پھر مطالبہ

ٹ* آئی فونز صرف امریکامیں تیار کیے جائیں، بھارت میں نہیں،امریکی صدر

جمعہ 23 مئی 2025 22:15

واشنگٹن(اُردو پوائنٹ اخبارتازہ ترین - آن لائن۔ 23 مئی2025ء)امریکی صدر ڈونلڈ ٹرمپ نے ایپل فون کمپنی کو بھارت کے حوالے سے بڑا انتباہ جاری کر دیا ہے ،امریکی صدر ڈونلڈ ٹرمپ کا ایپل کمپنی سے بھارت میں آئی فونز تیار نہ کرنے کا ایک بار پھر مطالبہ کر دیا ہے،صدر ٹرمپ نے اپنے ایکس اکاؤنٹ پر بھارت میں ایپل مینوفیکچرنگ کو واضح پیغام دیتے ہوئے کہاکہ آئی فونز صرف امریکامیں تیار کیے جائیں، بھارت میں نہیں،ٹرمپ کا کہنا تھا کہ اگر ایپل نے بھارت میں فونز کی تیاری جاری رکھی تو اسے 25 فیصد ٹیکس دینا ہوگا،کچھ روز قبل بھی امریکی صدر نے ایپل کے چیف ایگزیکٹو ٹم کک سے کہا تھا کہ وہ نہیں چاہتے کہ ایپل کمپنی اپنی پراڈکٹس بھارت میں تیار کرے،معاشی ماہرین کا کہنا ہے کہ ٹرمپ کا بھارت پر بڑھتا ہوا عدم اعتماد مودی سرکار کی پالیسیوں پر سوالیہ نشان ہے،مودی حکومت کی ناکام معاشی پالیسیوں نے بھارت کو امریکی صنعت کے لیے غیر معتبر بنا دیا ہے، ٹرمپ بار بار امریکی کمپنیوں کو بھارت سے نکلنے اور امریکہ واپس آنے کی تلقین کر چکے ہیں، صدر ٹرمپ کا بار بار انتباہ دراصل بھارت پر امریکا کے عدم اعتماد کی نشاندہی کر رہا ہے۔