Live Updates

مویشی منڈی میں بیوپاریوں کی منہ مانگی قیمتوں پر نعمان اعجاز کا طنزیہ تبصرہ

مویشی منڈی میں مرغی بھی کھڑی ہو جائے تو بیوپاری اس کے بھی ایک لاکھ مانگ لیں گے

ہفتہ 24 مئی 2025 19:46

مویشی منڈی میں بیوپاریوں کی منہ مانگی قیمتوں پر نعمان اعجاز کا طنزیہ ..

لاہور(اُردو پوائنٹ اخبارتازہ ترین - آن لائن۔ 24 مئی2025ء) مویشی منڈی میں قیمتوں کا حال دیکھ کر عام آدمی کا دل دہل جاتا ہے جہاں جانوروں کی قیمتیں آسمان کو چھو رہی ہیں، اسی صورتحال پر معروف اداکار نعمان اعجاز نے طنزیہ تبصرہ کیا ہے۔نعمان اعجاز نے اپنی انسٹاگرام اسٹوری پر مرغی کی ایک تصویر پوسٹ کرتے ہوئے لکھا کہ اگر مویشی منڈی میں مرغی بھی کھڑی ہو جائے تو بیوپاری اس کے بھی ایک لاکھ مانگ لیں گے۔

عیدالاضحی ایک ایسا موقع ہے جس پر دنیا بھر کے مسلمان سنتِ ابراہیمی کی ادائیگی کی کوشش کرتے ہیں اور اس کے لیے وہ سالہا سال پیسے جمع کرتے ہیں۔تاہم گزشتہ چند برسوں سے پاکستان، خصوصا کراچی کی مویشی منڈیوں میں بیوپاری قربانی کے جانوروں کی منہ مانگی قیمتیں طلب کرتے ہیں، جس کے باعث ایک عام آدمی کے لیے قربانی کا جانور خریدنا مشکل ہی نہیں بلکہ ناممکن بھی ہوتا جارہا ہے۔

(جاری ہے)

اداکار کا یہ تبصرہ نہ صرف بیوپاریوں کی من مانی قیمتوں پر روشنی ڈالتا ہے، بلکہ اس بڑھتی ہوئی مہنگائی کے خلاف عوام کی بے بسی اور مایوسی کو بھی اجاگر کرتا ہے۔واضح رہے کہ نعمان اعجاز کا شمار پاکستان کے سینئر اداکاروں میں ہوتا ہے جو ڈراموں میں اپنی جاندار اداکاری کے لیے جانے جاتے ہیں، ان کے مشہور ڈراموں میں جیسی تیری خودغرضی، بسمل، سنگ ماہ اور عبداللہ پور کا دیوداس شامل ہیں۔