Live Updates

پی سی بی نے پاک بنگلہ دیش ٹی ٹونٹی سیریز کیلئے ٹکٹوں کی تفصیلات جاری کردیں

جنرل انکلوژرز ٹکٹ 200 روپے ،گیلری ٹکٹ 2,000 روپے میں دستیاب ہو گی

ہفتہ 24 مئی 2025 19:55

لاہور(اُردو پوائنٹ اخبارتازہ ترین - این این آئی۔ 24 مئی2025ء) پاکستان کرکٹ بورڈ نے قذافی سٹیڈیم میں 28 مئی سے یکم جون تک پاکستان اور بنگلہ دیش کے درمیان ہونے والی تین میچوں کی ٹی ٹونٹی سیریز کے لیے ٹکٹوں کی قیمتوں کا اعلان کردیا۔تین ٹی ٹونٹی میچز28، 30 مئی اور یکم جون کو کھیلے جائیں گے جو رات آٹھ بجے شروع ہوں گے۔ شائقین کے لیے ٹکٹ 25 مئی سے صرف ٹی سی ایس ایکسپریس سینٹرز پر دستیاب ہوں گے۔

پہلے مرحلے میں ٹکٹ اتوار سے ڈیوس روڈ اور گلبرگ لاہور میں واقع ٹی سی ایس ایکسپریس سینٹرز پر دستیاب ہوں گے۔شائقین کو گرائونڈ میں آنے کی ترغیب دینے کے لیے میچز کے لیے مناسب قیمتیں مقرر کی گئی ہیں۔ قذافی سٹیڈیم میں جنرل انکلوژرز (حنیف محمد، امتیاز احمد، انضمام الحق اور سعید احمد)کے ٹکٹ شائقین کے لیے 200 روپے میں دستیاب ہوں گے۔

(جاری ہے)

فرسٹ کلاس انکلوژرز (عبدالحفیظ کاردار، عبدالقادر، جاوید میانداد اور سرفراز نواز)300 روپے میں دستیاب ہوں گے جبکہ پریمیم انکلوژرز(راجاس اور سعید انور)شائقین کے لیے 400 روپے میں دستیاب ہوں گے۔

وی آئی پی انکلوژرز (فضل محمود اور عمران خان) کے ٹکٹ شائقین کے لیے 500 روپے میں دستیاب ہوں گے۔جناح اینڈ پر ماجد خان اور ظہیر عباس (وی وی آئی پی انکلوژرز اور اقبال اینڈ پر وقار یونس اور وسیم اکرم )وی وی آئی پی انکلوژرزکے ٹکٹ شائقین کے لیے 2,000 روپے میں دستیاب ہوں گے۔ شائقین 2,000 روپے میں گیلری (ہاسپٹیلٹی باکس )سے بھی میچ دیکھ سکتے ہیں۔خواہشمند شائقین ایک شناختی کارڈ پر زیادہ سے زیادہ چار ٹکٹ خرید سکتے ہیں۔