Live Updates

پاکستان اب اقتصادی استحکام کی راہ پر گامزن ہے، کلیدی شعبوں میں بحالی اور ترقی کے واضح آثار ہیں، وزیر اعظم کے کوآرڈینیٹر رانا احسان افضل خان

اتوار 25 مئی 2025 23:30

اسلام آباد (اُردو پوائنٹ اخبارتازہ ترین - اے پی پی۔ 25 مئی2025ء) وزیر اعظم کے کوآرڈینیٹر رانا احسان افضل خان نے کہا ہےکہ پاکستان اب اقتصادی استحکام کی راہ پر گامزن ہے، کلیدی شعبوں میں بحالی اور ترقی کے واضح آثار ہیں۔اتوار کو نجی ٹی وی سے گفتگو کرتے ہوئے انہوں نے کہا کہ حکومت کی تجارتی لبرلائزیشن اور برآمدات میں ترقی کی حکمت عملی کے نتائج سامنے آرہے ہیں۔

انہوں نے کہا کہ ہم نے معیشت کو بھنور سے نکال لیا ہے۔

(جاری ہے)

اب طویل مدتی استحکام اور پائیدار ترقی کو یقینی بنانے پر توجہ مرکوز کی گئی ہے۔انہوں نےکہا کہ بین الاقوامی ریٹنگ ایجنسیوں نے پاکستان کے بہتر معاشی نقطہ نظر کو تسلیم کیا ہے۔انہوں نے کہا کہ مالیاتی انتظام ٹریک پر ہےاور ہدف بنائے گئے اقتصادی اہداف کو مسلسل پورا کیا جا رہا ہے۔انہوں نے کہا کہ مالیاتی استحکام کی کوششیں جاری ہیں اور حکومت ذمہ دارانہ مالیاتی حکمرانی کے لیے پرعزم ہے۔انہوں نے کہا کہ ہم صرف معیشت کا انتظام نہیں کر رہے ہیں ہم ایک مضبوط، زیادہ لچکدار مستقبل کی بنیاد رکھ رہے ہیں۔