Live Updates

پاکستان ٹین پن بائولنگ فیڈریشن نے آزادی کپ ٹین پن چیمپئن شپ اگست میں منعقد کروانے کی منصوبہ بندی تیار کرلی گئی ہے،اعجازالرحمن

پیر 26 مئی 2025 22:33

اسلام آباد (اُردو پوائنٹ اخبارتازہ ترین - اے پی پی۔ 26 مئی2025ء) پاکستان ٹین پن بائولنگ فیڈریشن نے آزادی کپ ٹین پن چیمپئن شپ اگست میں منعقد کروانے کی منصوبہ بندی تیار کرلی۔ ان خیالات کا اظہار گزشتہ روز پاکستان ٹین پن بائولنگ فیڈریشن کے صدر اعجاز الرحمن نے کیا۔

(جاری ہے)

انہوں نے کہا کہ چیمپئن شپ کی تیاریاں ابھی سے شروع کردی گئی ہیں اور چیمپئن شپ کی تاریخ کا باقاعدہ اعلان آئندہ چند روز میں کیا جائے گا ، چیمپئن شپ لیزر سٹی بائولنگ کلب، صفا گولڈ، ایف سیون مرکز اسلام آباد میں کھیلی جائے گی۔

چیمپئن شپ میں ملک بھر سے مرد اور خواتین کھلاڑی حصہ لیں گے۔ چیمپئن شپ میں آٹھ کیٹگریز کے مقابلے رکھے گئے ہیں جن میں مینز سنگلز، مینز ڈبلز،لیڈیز سنگلز، ایمچور، ڈیف مینز سنگلز، ڈیف لیڈیز سنگلز، ٹیم ایونٹ اور ٹیک ٹاکرز کے مقابلے شامل ہیں۔ چیمپئن شپ میں شرکت کے لئے رجسٹریشن 15 جولائی سے شروع ہو گی۔واضح رہے کہ پاکستان ٹین پن بائولنگ فیڈریشن کے زیر اہتمام یہ مقابلے 2003 سے ہر سال جشن آزادی کے موقع پر منعقد ہو رہے ہیں۔