صدر مملکت آصف علی زرداری کا سابق گورنر سندھ کمال الدین اظفر کے انتقال پر گہرے دکھ کا اظہار

پیر 26 مئی 2025 22:30

اسلام آباد (اُردو پوائنٹ اخبارتازہ ترین - اے پی پی۔ 26 مئی2025ء) صدر مملکت آصف علی زرداری نے سابق گورنر سندھ کمال الدین اظفر کے انتقال پر گہرے دکھ اور افسوس کا اظہار کیا ہے۔

(جاری ہے)

پیر کو ایوانِ صدر کے پریس ونگ کے مطابق صدر مملکت نے کمال الدین اظفر کے انتقال پر مرحوم کے لواحقین کے ساتھ اظہار تعزیت کرتے ہوئے ان کی سیاسی خدمات کو خراج عقیدت پیش کیا۔ صدر مملکت نے کہا کہ کمال الدین اظفر جیسے سیاستدان پاکستان پیپلز پارٹی کا اثاثہ ہیں، مرحوم نے صوبہ سندھ اور پاکستان پیپلز پارٹی کیلئے گراں قدر خدمات انجام دیں۔ صدر آصف علی زرداری نے مرحوم کے لیے بلندی درجات اوراہل خانہ کے لیے صبر جمیل کی بھی دعا کی۔