اسرائلی حملوں میں فلسطینی بچوں کے زندہ جلنے کے مناظر، اقوام متحدہ کی نمائندہ روپڑیں

منگل 27 مئی 2025 20:24

نیویارک (اُردو پوائنٹ اخبارتازہ ترین - آن لائن۔ 27 مئی2025ء) اقوام متحدہ کی مقبوضہ فلسطین میں انسانی حقوق کی نمائندہ فرانچسکا البانیزے نے اسرائیلی حملوں میں زندہ جلنے والے فلسطینی بچوں کے مناظر پر شدید صدمے اور رنج کا اظہار کیا ہے۔

(جاری ہے)

سوشل میڈیا پلیٹ فارم ایکس (X) پر اپنے بیان میں فرانچسکا البانیزے نے لکھا: ''میں نے بے شمار انسانوں، اور خاص طور پر بچوں کے سائے جلتے ہوئے دیکھے ہیں، اب میں آگ کو دیکھ بھی نہیں سکتی، دل متلا جاتا ہے۔

انہوں نے مزید کہا، ''ہمیں اس قتلِ عام کو فوری روکنا ہوگا۔ فلسطینی ہمیں معاف کردیں۔یہ بیان ایسے وقت پر سامنے آیا ہے جب غزہ پر اسرائیلی حملوں میں ہزاروں بچوں سمیت بڑی تعداد میں بے گناہ شہری شہید ہو چکے ہیں۔ فرانچسکا البانیزے اقوام متحدہ میں مقبوضہ فلسطین کے لیے خصوصی رپورٹیئر کی حیثیت سے خدمات انجام دے رہی ہیں اور انہوں نے ماضی میں بھی اسرائیلی مظالم پر آواز بلند کی ہے۔