نیشنل بزنس ایجوکیشن ایکریڈیٹیشن کونسل کے وفد کاجامعہ بلوچستان کا دورہ ،مختلف شعبوں کا معائنہ کیا

بدھ 28 مئی 2025 19:40

کوئٹہ (اُردو پوائنٹ اخبارتازہ ترین - اے پی پی۔ 28 مئی2025ء) نیشنل بزنس ایجوکیشن ایکریڈیٹیشن کونسل کے وفد نے جامعہ بلوچستان کا دورہ کیا۔وائس چانسلر پروفیسر ڈاکٹر ظہور احمد بازئی نے ٹیم کو خوش آمدید کہا اور تعلیمی کارکردگی پر تفصیلی بریفنگ دی۔ نیشنل بزنس ایجوکیشن ایکریڈیٹیشن کونسل کی پیئر ریویو ٹیم میں شامل ڈاکٹر شوکت برہ، بانی ریکٹر کراچی سکول آف بزنس اینڈ لیڈرشپ (KSBL)، پروفیسر آف پریکٹس اور مینجمنٹ کنسلٹنٹ محمد عدیل (امین)قاضی، ڈائریکٹر، فاسٹ سینٹر آف ایگزیکٹو ایجوکیشن بابر درانی، شریک بانی مارکو پولو گرینز اور سابق چیف کمرشل آفیسر ڈی ایچ اے کوئٹہ نے جامعہ بلوچستان کا دورہ کیا۔

وائس چانسلر پروفیسر ڈاکٹر ظہور احمد بازئی نے ٹیم کا خیرمقدم کیا اور جامعہ کی 2024 کی کارکردگی پر تفصیلی بریفنگ دی، جس میں تعلیمی، تحقیقی اور انتظامی شعبوں میں حاصل کردہ کامیابیوں کو اجاگر کیا گیا۔

(جاری ہے)

جامعہ بلوچستان کے شعبہ انسٹیٹیوٹ آف مینجمنٹ سائنسز کا دورہ کیا۔ اس دورے کا مقصد شعبہ انسٹیٹیوٹ آف مینجمنٹ سائنسز کے ادارے کی ایکریڈیٹیشن کے عمل کا جائزہ لینا تھا۔

شعبہ انسٹیٹیوٹ آف مینجمنٹ سائنسز کی ڈائریکٹر، پروفیسر ڈاکٹر کنیز فاطمہ نے ادارے کے تعلیمی پروگرامز، فیکلٹی کی قابلیت، تحقیقی منصوبوں اور طلبا کی کامیابیوں پر جامع پریذنٹیشن دی۔ انہوں نے ادارے کے تعلیمی معیار اور مسلسل بہتری کے عزم کو اجاگر کیا۔فیکلٹی آف مینجمنٹ اینڈ انفارمیشن سائنسز کی ڈین، پروفیسر ڈاکٹر زینب بی بی نے IMS میں ایک اجلاس کی میزبانی کی، جس میں فیکلٹی کی ترقی، نصاب کی بہتری، اور ادارے کے سٹریٹجک مقاصد پر تبادلہ خیال کیا گیا۔

فیکلٹی اور انتظامی عملے نے فعال شرکت کی اور ٹیم کے سوالات کے جوابات دیے۔ اس ٹیم کے اس دورے کا مقصد ادارے کی ایکریڈیٹیشن کے عمل کو آگے بڑھانا تھا، جو جامعہ بلوچستان کے بزنس ایجوکیشن میں اعلی معیار کے عزم کا مظہر ہے۔ دورے کے اختتام پر NBEAC ٹیم نے جامعہ کے معیار کی یقین دہانی اور مسلسل بہتری کے اقدامات کو سراہا۔یہ دورہ جامعہ بلوچستان کی تعلیمی برتری اور بین الاقوامی معیار کے مطابق بزنس ایجوکیشن فراہم کرنے کے عزم کی عکاسی کرتا ہے۔