Live Updates

رافیل طیاروں کی تباہی،جائزہ لے رہے ہیں، فرانسیسی فوج

ر بھارت سے براہِ راست معلومات حاصل کرنے کے لیے بھی رابطہ کیا ہے،ترجمان

جمعرات 29 مئی 2025 14:08

رافیل طیاروں کی تباہی،جائزہ لے رہے ہیں، فرانسیسی فوج

پیرس (اُردو پوائنٹ اخبارتازہ ترین - این این آئی۔ 29 مئی2025ء)فرانسیسی فوج نے پاک بھارت لڑائی میں جدید لڑاکا طیارے رافیل کی تباہی سے متعلق خبروں پر پہلی بار ردعمل دیا ہے۔غیرملکی خبررساں ادارے کے مطابق فرانسیسی فوج کے ترجمان نے پیرس میں پریس بریفنگ کے دوران پوچھے گئے سوال پر جواب دیا کہ رافیل کی کارکردگی کے حوالے سے فرانس صورتِ حال کا بغور جائزہ لے رہا ہے۔

(جاری ہے)

انہوں نے کہا کہ اپنے شراکت دار بھارت سے براہِ راست معلومات حاصل کرنے کے لیے رابطہ کیا ہے، فرانس اس لڑائی کے تجربے سے زیادہ سے زیادہ سیکھنے کا خواہاں ہے۔فرانسیسی فوج کے ترجمان نے کہا کہ اگر رافیل کے مار گرائے جانے کی رپورٹس درست ہیں تو یہ اس جہاز کی 2 دہائیوں کی آپریشنل سروس کا پہلا واقعہ ہے۔ان کا کہنا تھا کہ تاحال پاکستان اور بھارت لڑائی میں رافیل کی تباہی کے واقعے کی تفصیلات غیر یقینی ہیں اور بہت سے پہلو تصدیق طلب ہیں۔