بڑے بال رکھنا اچھا لگتا ہے، پہلے بھی رکھے لیکن کیچ چھوڑا تو کٹوا دیے‘حسن علی

جمعرات 29 مئی 2025 22:22

لاہور(اُردو پوائنٹ اخبارتازہ ترین - آن لائن۔ 29 مئی2025ء)پاکستان ٹیم کے فاسٹ بولر حسن علی نے بڑے بال رکھنے کی وجہ بیان کردی۔پاکستان اور بنگلا دیش کے درمیان کھیلے گئے پہلے ٹی 20 میچ کے بعد میڈیا سے گفتگو کرتے ہوئے فاسٹ بولر حسن علی نے کہا کہ بڑے بال رکھنا اچھا لگتا ہے اس کی کوئی وجہ نہیں ہے۔انہوں نے کہا کہ ایک بار پہلے بھی 2021 میں بڑے بال رکھے تھے لیکن کیچ چھوڑا تو کٹوا دیے تھے۔

(جاری ہے)

فاسٹ بولر نے کہا کہ خوشی ہے کم بیک پر پاکستان کی جیت میں کردار ادا کیا، پچھلا ایک سال مشکل تھا جو انجری تھی وہ کیریئر کے لیے مشکل تھی۔حسن علی نے کہا کہ ری ہیب بورنگ ہوتا ہے بہت محنت کرکے واپس آیا۔انہوں نے کہا کہ اپنے دوستوں کے ساتھ دوبارہ کھیل کر خوشی ہوئی، شائقین کی بھی سپورٹ رہی، اپنی پانچ وکٹیں فیملی اور اپنے نام کرتا ہوں۔فاسٹ بولر نے مزید کہا کہ انگلینڈ میں ٹی 20 بلاسٹ کھیلنے جانا ہے۔