Live Updates

اعظم صدیقی نے بابر اعظم اور کامران اکمل کی پرانی تصویر شئیر کر دی ، کچھ معنی خیز باتیں بھی لکھ دیں

’یہ بچہ ہو کر کبھی آپ کی کپتانی میں نہیں کھیلا، اور آپ اس بچے کی کپتانی میں کھیلے ہیں‘ : اعظم صدیقی

ذیشان مہتاب جمعہ 30 مئی 2025 14:27

اعظم صدیقی نے بابر اعظم اور کامران اکمل کی پرانی تصویر شئیر کر دی ، ..

لاہور (اردو پوائنٹ تازہ ترین اخبار ۔ 30 مئی 2025ء ) پاکستان کرکٹ ٹیم کے سابق کپتان بابر اعظم کے والد اعظم صدیق نے ایک جذباتی اور معنی خیز پیغام سوشل میڈیا پر شیئر کیا ہے جس میں انہوں نے بابر اعظم اور کامران اکمل کی پرانی تصویر کے ساتھ کچھ معنی خیز باتیں لکھی ہیں ۔

اعظم صدیق نے تصویر کے ساتھ پیغام میں لکھا ’’یہی ہے عظمتوں کا اصول جاوداں حضور :: امیر کو شجاعتیں، غریب کو وقار دو۔

یہ بچہ ہو کر کبھی آپ کی کپتانی میں نہیں کھیلا، اور آپ اس بچے کی کپتانی میں کھیلے ہیں جس میں آپ صفر پر آؤٹ ہوئے اور اس بچے نے سنچری بنائی۔

انہوں نے مزید لکھا کہ ’اشفاق احمد نے ٹھیک کہا تھا، کامیاب لوگوں کی غیبت کرنا ناکام لوگوں کی مجبوری ہوتی ہے۔ تُرک کہاوت ہے کہ کوئی یہ کہے کہ میں آپ کا بھائی ہوں تو یہ بھی بتائے کہ وہ ہابیل ہے یا قابیل۔

(جاری ہے)