پاکستان ، جنوبی افریقا ویمنز سیریز، میچ آفیشلزکا اعلان، سلیمہ امتیاز پہلی بار ون ڈے سیریزمیں امپائرنگ کریں گی

جمعہ 22 اگست 2025 22:19

لاہور(اُردو پوائنٹ اخبارتازہ ترین - این این آئی۔ 22 اگست2025ء) پاکستان اور جنوبی افریقا کی ویمنز کرکٹ ٹیموں کے درمیان ون ڈے انٹرنیشنل سیریز کے لیے میچ آفیشلز کا اعلان کر دیا گیا ہے، جو 16 سے 22 ستمبر تک قذافی سٹیڈیم لاہور میں کھیلی جائے گی۔

(جاری ہے)

پاکستان کرکٹ بورڈ (پی سی بی )کے مطابق پاکستانی امپائر سلیمہ امتیاز پہلی مرتبہ دو طرفہ ون ڈے انٹرنیشنل کرکٹ سیریز میں امپائرنگ کریں گی۔آسٹریلیا کی کلیئر پولو سیک بھی امپائرنگ کے فرائض انجام دیں گی۔ سیریز کے لیے ہمیرہ فراح کو ریزرو امپائر نامزد کیا گیا ہے۔طارق رشید آن فیلڈ امپائر کے طور پر ذمہ داریاں سنبھالیں گے جبکہ سابق ٹیسٹ کرکٹر علی نقوی کو میچ ریفری مقرر کیا گیا ہے۔