Live Updates

مودی حکومت نے جنگی صورتحال میں عوام کو لاعلم رکھا، کانگریس

ٹرمپ کی بار بار جنگ بندی پر ثالثی کی بات بھارتی خودمختاری کیلئے خطرہ بن چکی ہے کانگریس کادفاعی ناکامیوں کے غیر جانبدارانہ تجزیے کیلئے کمیٹی تشکیل دینے کا مطالبہ

اتوار 1 جون 2025 14:30

نئی دہلی(اُردو پوائنٹ اخبارتازہ ترین - این این آئی۔ 01 جون2025ء)بھارتی چیف آف ڈیفنس اسٹاف جنرل انیل چوہان کے انکشافات نے مودی حکومت کی دفاعی حکمت عملی پر سوالیہ نشان لگا دیا۔کشمیرمیڈیاسروس کے مطابق جنرل انیل چوہان نے ایک انٹرویو میں اعتراف کیا کہ ہم نے کارروائی میں غلطی کو درست کیا، دو دن بعد دوبارہ طیارے اڑائے اور نشانے لگائے۔ ادھرکانگریس پارٹی کے صدر ملک ارجن کھڑگے نے مطالبہ کیا ہے کہ دفاعی ناکامیوں کے غیر جانبدارانہ تجزیے کے لیے کارگل ریویو کمیٹی کی طرز پر نئی کمیٹی بنائی جائے۔

انہوں نے کہا کہ پارلیمنٹ کا ہنگامی اجلاس بلایا جائے تاکہ قوم کو سچ بتایا جا سکے، مودی حکومت نے جنگی صورتحال میں عوام کو لاعلم رکھا، اصل حقائق اب سامنے آ رہے ہیں۔ انہوں نے کہاکہ ہمیں پاکستان کے خلاف لڑائی میں نقصان اٹھانا پڑا ہے۔

(جاری ہے)

کانگریس کے صدر نے امریکی صدر ٹرمپ کی ثالثی پر سوال اٹھاتے ہوئے کہا ہے کہ صدر ٹرمپ کی بار بار جنگ بندی پر ثالثی کی بات بھارتی خودمختاری کے لیے خطرہ بن چکی ہے۔

ملکارجن کھڑگے نے حکومت سے سوال کیا کہ کیا مودی حکومت نے واقعی امریکہ کے کہنے پر جنگ بندی قبول کی مودی صرف مسلح افواج کی بہادری کا کریڈٹ لیتے ہیں، مگر پالیسی فیصلوں سے منہ موڑ لیتے ہیں۔کانگریس کے صدر نے سوال اٹھائے کہ جنگ بندی کی شرائط کیا ہیں کب طے ہوئیں عوام کو کیوں اندھیرے میں رکھا گیا 140 کروڑ بھارتی شہریوں کو جنگ بندی معاہدے کی تفصیلات جاننے کا پورا حق ہے، کانگریس پارٹی آزاد کمیشن کے ذریعے دفاعی تیاریوں کے جائزے کا مطالبہ کرتی ہے۔