محکمہ کسٹم میں مبینہ کرپشن ، سول سوسائٹی میں تشویش کی لہر ، ملوث افسران و عملے کے خلاف سخت کاروائی کا مطالبہ

پیر 2 جون 2025 03:30

سکھر(اُردو پوائنٹ اخبارتازہ ترین - این این آئی۔ 02 جون2025ء)محکمہ کسٹم میں مبینہ کرپشن ، سول سوسائٹی میں تشویش کی لہر ، ملوث افسران و عملے کے خلاف سخت کاروائی کا مطالبہ ، ، محکمہ کسٹم کرپشن کا گڑھ بنتا جارہا ہے ، بالا حکام نوٹس لیں ، نذیر سومرو ، تفصیلات کے مطابق سکھر کی معروف و سماجی رہنما نذیر سومرو ، سول سوسائٹی کے یعقوب جتوئی ، بادل میرانی ، کریم سولنگی و دیگر نے محکمہ کسٹم سکھر کے وئیر ہائوس میں جاری مبینہ کرپشن پر گہری تشویش کا اظہار کرتے ہوئے کہا کہ ویئر ہاؤس انچارج توفیق ابڑو نے محکمہ کسٹمز کو کرپشن کا گڑھ بنا دیا ہے، مذکورہ نمائندگان کا کہنا تھا کہ کوئٹہ تبادلہ ہونے کے باوجود توفیق ابڑو نے تاحال چارج نہیں چھوڑا۔

اسے "لاڈلا" اور "کمایو فرنٹ مین" قرار دیا جا رہا ہے، جس کی وجہ سے وہ سکھر میں بدستور موجود ہے۔

(جاری ہے)

ذرائع کا کہنا ہے کہ ویئر ہاؤس میں اس کے ذاتی ایجنٹ اور فرنٹ مین ہر نیلامی میں حصہ لیتے ہیں، اور قیمتی سامان انتہائی سستے داموں انہیں ہی دیا جاتا ہے۔ حیرت انگیز طور پر یہ سامان رات کے وقت ویئر ہاؤس سے نکالا جاتا ہے، حالانکہ وہاں سی سی ٹی وی کیمرے نصب ہیں، لیکن کوئی ایکشن نہیں لیا جاتا۔

مزید براں، یہ قیمتی اشیاء بعد ازاں چور بازار میں فروخت کر دی جاتی ہیں، جس سے وفاقی حکومت کو کروڑوں روپے کا نقصان ہو رہا ہے۔ ماضی میں بھی اس کرپشن کی خبریں میڈیا میں آ چکی ہیں، مگر کسی قسم کا نوٹس نہیں لیا گیا۔اس صورتحال پر نزیر سومرو، یعقوب جتوئی، بادل میرانی اور کریم سولنگی نے کسٹمز چیف عبدال باسط عباسی اور کلکٹر کسٹمز حیدرآباد میڈم مونا بلوچ صاحب? سے اپیل کی ہے کہ وہ اس کرپٹ افسر کے خلاف فوری قانونی کارروائی کریں۔ بصورت دیگر سکھر پریس کلب کے سامنے بھوک ہڑتال کی جائے گی۔