Live Updates

کراچی میں مویشی چور ایک بار پھر سرگرم

نیو کراچی میں چور گھر کے اندر سے قربانی کے جانور لے اڑے، واقعے کی سی سی ٹی وی فوٹیج سامنے آگئی

پیر 2 جون 2025 03:30

کراچی(اُردو پوائنٹ اخبارتازہ ترین - این این آئی۔ 02 جون2025ء)کراچی کے علاقے نیوکراچی گودھرامیں مویشی چورایک بار پھر سرگرم ہو گئے، عیدالاضحی قریب آتے ہی مویشی چوری کی وارداتوں میں اضافہ ہوگیا ہے، گزشتہ رات نامعلوم ملزمان گھر میں داخل ہوئے گھر میں موجود شخص کو یرغمال بنایا اور لاکھوں روپے مالیت کے جانورلوٹ لئے۔ واقعے کی سی سی ٹی وی فوٹیج بھی سامنے آ گئی۔

(جاری ہے)

سی سی ٹی وی فوٹیج میں دیکھا جا سکتا ہے کہ ملزمان سوزوکی اور موٹر سائیکلوں پر آئے اور مویشی لوٹنے کے دوران تین جانوروں کو لوڈ کرنے کی کوشش کی۔ تاہم چھوٹی گاڑی ہونے کے باعث وہ صرف دو بڑے اور ایک چھوٹا جانور ہی لے جا سکے۔نیو کراچی پولیس نے واقعے کا مقدمہ درج کر کے تحقیقات کا آغاز کر دیا ہے۔ پولیس حکام کے مطابق ملزمان کی شناخت اور گرفتاری کے لیے مختلف مقامات پر چھاپے مارے جا رہے ہیں اور سی سی ٹی وی فوٹیج کی مدد سے تفتیش کو آگے بڑھایا جا رہا ہے۔علاقہ مکینوں نے پولیس سے مطالبہ کیا ہے کہ عید کے قریب سیکیورٹی کے مثر اقدامات کیے جائیں تاکہ شہری اپنے مویشی محفوظ رکھ سکیں۔