ائیر انڈیا کے چیف ایگزیکٹوکا پاکستانی فضائی حدود کی بندش سے اٰخراجات بڑھنے اورمنافع پر گہرا اثرپڑنے کا اعتراف

پاکستانی فضائی حدود کی بندش کا اثر تو بہت گہرا ہے، فضائی حدود کی بندش سے براہ راست پروازوں کا دورانیہ ایک گھنٹہ بڑھ گیا ہے، کیمبل ولسن سی ای او

فیصل علوی پیر 2 جون 2025 17:15

ائیر انڈیا کے چیف ایگزیکٹوکا پاکستانی فضائی حدود کی بندش سے اٰخراجات ..

ممبئی(اردوپوائنٹ اخبار تازہ ترین۔02 جون 2025) بھارتی ائیر لائن ائیر انڈیا کے چیف ایگزیکٹو آفیسر کیمبل ولسن کا پاکستانی فضائی حدود کی بندش سے اٰخراجات بڑھنے اورمنافع پر گہرا اثرپڑنے کا اعتراف کرلیا، پاکستانی فضائی حدود کی بندش کا اثر تو بہت گہرا ہے، میڈیا رپورٹس کے مطابق بھارتی ائیر لائن ائیر انڈیا کے چیف ایگزیکٹو آفیسر کیمبل ولسن کا کہنا ہے کہ پاکستانی فضائی حدود کی بندش سے ناصرف براہ راست پروازوں کا دورانیہ بڑھ گیا ہے بلکہ اس سے ائیر لائن کے منافع پر بھی گہرا اثر پڑا ہے۔

انہوں نے کہا کہ بھارتی طیاروں کیلئے پاکستانی فضائی حدود کی بندش سے مغربی ممالک کی پروازوں کا دورانیہ ایک گھنٹہ بڑھ گیا ہے۔ائیر لائن ائیر انڈیاکے سی ای اوکایہ بھی کہنا ہے کہ فضائی حدود کی بندش کا اثر تو بہت گہرا ہے لیکن ہم اپنے آپریشن کو بلا تعطل چلانے میں کامیاب رہے ہیں۔

(جاری ہے)

یاد رہے کہ بھارت کی جانب سے سندھ طاس معاہدہ کرنے کے اعلان کے بعد حکومت پاکستان نے بھارتی طیاروں کیلئے پاکستانی فضائی حدود کے استعمال پر پابندی لگا دی تھی جس کے باعث پاکستانی فضائی حدود کی بندش پر ائیر انڈیا کو روزانہ 20کروڑ روپے سے زائد کا نقصان ہواتھا۔

پاکستان نے ابتدائی طورپر 23 اپریل سے 23 مئی تک ایک۔ماہ تک کیلئے بھارتی طیاروں کیلئے اپنی فضائی حدود ایک ماہ کیلئے بند کرنے کا فیصلہ کیا تھاجس میں بعد میں اضافہ کردیا گیا تھا۔ شمالی امریکا، یورپ، برطانیہ اور مشرق وسطیٰ کیلئے بھارتی طیارے طویل راستے اختیار کرنے پر مجبور ہوگئے تھے۔ پاکستانی فضائی حدود کی بندش کے سبب انڈیا کی مختلف ائیرلائنز کو200 کروڑ بھارتی روپے سے زائد نقصان کا سامنا کرنا پڑا تھا۔

پاکستان کی فضائی حدودکی بندش کی وجہ سے بھارتی ائیر لائن کی پروازوں کا دورانیہ اور ایندھن کا خرچ بڑھا تھا جبکہ مسافروں کو تاخیر کا سامنا کرنا پڑ رہا تھا۔لمبے روٹ سے فیول اور دیگر دگنے اخراجات نے بھارتی ائیرلائنز کو شدید متاثر کیا تھا۔ انڈیگو ائیرکاوسط ایشیائی ملکوں کیلئے فضائی آپریشن معطل رہا تھا۔ دہلی، ممبئی امرتسر بنگلور احمد آباد سے دبئی کی بھارتی پروازیں بھی شدید متاثر ہوئی تھیں۔ امریکہ جانے والی بھاتی پروازوں کےعملے کو یورپ میں تبدیل کرنا پڑا تھا جبکہ دوبار لینڈنگ اورری فیولنگ سے بھارتی ائیرلائنز کوائیرپورٹ چارجز کی مد میں بھی یومیہ کروڑوں کے اخراجات کا سامنا کرنا پڑا تھا۔