قرآن وسنت سے ٹکراؤ کے کسی بل کو تسلیم نہیں کرینگے، سربراہ پاکستان سنی تحریک

18سال سے کم عمر کی شادی پر پابندی کا قانون قرآن وسنت کے خلاف ہے حکومت فوری ختم کرئے،شاداب رضا نقشبندی

پیر 2 جون 2025 22:40

کراچی(اُردو پوائنٹ اخبارتازہ ترین - این این آئی۔ 02 جون2025ء)سربراہ پاکستان سنی تحریک محمد شاداب رضا نقشبندی نے کہا ہے کہ قرآن وسنت سے ٹکراؤ کے کسی بل کو تسلیم نہیں کرینگے،18سال سے کم عمر کی شادی پر پابندی کا قانون قرآن وسنت کے خلاف ہے حکومت فوری ختم کرئے،قرآن وسنت کو نظر انداز کرکے قانون سازی غیر آئینی اور آئین کی روح کے منافی ہے،اسلام سب سے زیادہ بچوں اور بچیوں کو ان کے حقوق دیتا ہے اور تحفظ فراہم کرتا ہے،اسلامی شناخت کو ختم ہونے نہیں دینگے قرآن وسنت کے منافی شادی میرج بل کو مسترد کرتے ہیں،ہمارے لئے سپریم لائ قرآن وسنت ہے اس کے منافی کسی بل کو تسلیم نہیں کرینگے،ان خیالات کا ااظہار انہوں 18سال سے کم عمرکی شادی پر پابندی کے بل کو مسترد کرتے ہوئے کیا،محمد شاداب رضا نقشبندی نے کہا اسلام منافی بل کے ذریعے جائز نکاح میں رکاوٹ ڈالی جارہی ہے،متنازعہ بل ملک میں سیکولر ازم اور فحاشی کو جنم دینگے،حکومت فوری طور پر شادی بل کو ختم کرکے قرآن وسنت کی روشنی میں قانون سازی کرئے،پاکستان سنی تحریک کے علماء بورڈ کو بھی متنازعہ شادی بل کے حوالے رجوع کیا ہے اس کی مکمل تحقیقات کرئے گا،علماء بورڈ کے موقف کو میڈیا کے سامنے لائینگے ،پاکستان کا آئین بھی شریعت سے متنازعہ بل کی اجازت نہیں دیتا حکومت فوری طور پر اس بل کو ختم کرکے شریعت کی روشنی میں قانون سازی کرئے۔