اچھے فیصلے لینا ہونگے مزید نئے پلیئرز کو کھلانا ہوگا ‘نئے پلیئرز کے بے خوف کرکٹ کھیلنے پر کامران اکمل نہال

ْلڑکوں نے واضح ذہنیت کے ساتھ ماڈرن ڈے کو سامنے رکھتے ہوئے اس طرز کی کرکٹ کھیلی ہے،انٹرویو

منگل 3 جون 2025 17:34

کراچی(اُردو پوائنٹ اخبارتازہ ترین - این این آئی۔ 03 جون2025ء)پاکستان کے سابق کرکٹر کامران اکمل نے بنگلہ دیش کو ٹی ٹوئنٹی سیریز میں کلین سوئپ کرنے والے نوجوان قومی پلیئرز کی دل کھول کر تعریف کی ہے۔نجی ٹی وی سے گفتگو کرتے ہوئے سابق وکٹ کیپر بیٹر کامران اکمل کا کہنا تھا کہ ہم یہ بات نہیں کرتے کہ ہماری ٹیم نے بنگلہ دیش کو شکست دی ہے بلکہ یہ بات کرتے ہیں کہ نئے پلیئرز کو جب موقع ملا تو انھوں نے کتنی بے خوف کرکٹ کھیلی ہے۔

کامران اکمل نے کہا کہ لڑکوں نے واضح ذہنیت کے ساتھ ماڈرن ڈے کو سامنے رکھتے ہوئے اس طرز کی کرکٹ کھیلی ہے، اس سے قبل پاکستان کی کرکٹ میں یہ چیز نظر نہیں آرہی تھی۔انھوں نے کہا کہ یہ ایک اچھا اشارہ ہے اور اللہ کرے یہ سلسلہ چلتا رہے، جب بڑی ٹیمیں آئیں گی اور اس طرح کی کرکٹ کھیلی جائے گی تو ہم سمجھیں گے کہ ہماری کرکٹ صحیح راستے پر ہے۔

(جاری ہے)

آپ کو بڑی قربانیاں دینی پڑیں گے، اچھے فیصلے لینا ہونگے مزید نئے پلیئرز کو کھلانا ہوگا کیوں کہ یہ سال بڑا اہم ہے ہم اپنے پلیئرز کی صلاحیتوں کو نکھار سکتے ہیں اور بیک اپ پلیئرز بناسکتے ہیں۔

سابق کرکٹا کا کہنا تھا کہ جب ٹاپ کی چار ٹیمیں آئیں گی تو ہمارے سینئرز پلیئرز آٹومیٹک چوائس ہونگے، پاکستان کو ہوم سیریز جیتنے میں تین، تین ساڑھے تین سال لگے ہیں۔