پاکستان ٹیم کیساتھ میری پہلی سیریز اس سے بہتر نہیں ہو سکتی تھی‘ مائیک ہیسن

مختلف کمبی نیشن آزمائے، ضرورت کے مطابق بیٹنگ لائن بنائی اور بولنگ میں اپنی کاکردگی جانچی‘بیان

منگل 3 جون 2025 17:46

لاہور(اُردو پوائنٹ اخبارتازہ ترین - این این آئی۔ 03 جون2025ء)پاکستان وائٹ بال ٹیم کے ہیڈ کوچ مائیک ہیسن نے سوشل میڈیا پر پیغام جاری کردیا۔مائیک ہیسن نے بنگلادیش ٹیم کو وائٹ واش کیے جانے کے بعد جاری بیان میں لکھا پاکستان ٹیم کے ساتھ میری پہلی سیریز اس سے بہتر نہیں ہو سکتی تھی، ہم نے اپنے آپ کو چیلنج کرنے کے لیے تیار کیا۔

(جاری ہے)

مائیک ہیسن نے کہا کہ ہم نے مختلف کمبی نیشن آزمائے، ضرورت کے مطابق بیٹنگ لائن بنائی اور بولنگ میں اپنی کاکردگی جانچی۔

انہوں نے مزید کہا کہ جس طرح اس نوجوان گروپ نے پرفارم کیا اس پر فخر ہے۔واضح رہے کہ اتوار کو پاکستان نی3 ٹی ٹوئنٹی میچز کی سیریز کے آخری میچ میں بنگلادیش کو 7 وکٹ سے ہرا کر کلین سوئپ کردیا۔پاکستان نے بنگلادیش کا 197 رنز کا ہدف 18ویں اوور میں3 وکٹوں کے نقصان پر پورا کردیا، میچ میں محمد حارث 107 رنز بناکر ناقابل شکست رہے جبکہ صائم ایوب نے 45 رنز بنائے۔