Live Updates

ملک میں سیمنٹ کی ریٹیل قیمت میں گزشتہ ہفتے کے دوران ملا جلا رجحان

منگل 3 جون 2025 17:46

اسلام آباد (اُردو پوائنٹ اخبارتازہ ترین - اے پی پی۔ 03 جون2025ء) ملک میں سیمنٹ کی ریٹیل قیمت میں گزشتہ ہفتے کے دوران ملا جلا رجحان رہا۔ پاکستان بیورو برائے شماریات کے اعدادوشمار کے مطابق 29 مئی کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹل قیمت 1408 روپے ریکارڈ کی گئی جو پیوستہ ہفتے کے مقابلے میں 0.34 فیصد کم ہے۔

پیوستہ ہفتے میں ملک کے شمالی شہروں میں سیمنٹ کی فی بوری کی اوسط ریٹل قیمت 1413 روپے ریکارڈ کی گئی تھی۔ اسی طرح 29 مئی کو ختم ہونے والے ہفتے میں ملک کے جنوبی شہروں میں سیمنٹ کی فی بوری کی اوسط ریٹل قیمت 1437 روپے ریکارڈ کی گئی جو پیوستہ ہفتے کے مقابلے میں 0.60 فیصد زیادہ ہے۔ پیوستہ ہفتے میں ملک کے جنوبی شہروں میں سیمنٹ کی فی بوری کی اوسط ریٹل قیمت 1428 روپے ریکارڈ کی گئی تھی۔

(جاری ہے)

اعدادوشمار کے مطابق 29 مئی کو ختم ہونے والے ہفتے میں اسلام آباد میں سیمنٹ کی فی بوری کی اوسط ریٹل قیمت 1380، راولپنڈی 1383، گوجرانوالہ 1430، سیالکوٹ 1420، لاہور 1464، فیصل آباد 1400، سرگودھا 1400 ، ملتان 1416، بہاولپور 1440، پشاور 1402 اور بنوں میں سیمنٹ کی فی بوری کی اوسط ریٹل قیمت 1350 روپے ریکارڈ کی گئی۔ اسی طرح 29 مئی کو ختم ہونے والے ہفتے میں کراچی میں سیمنٹ کی فی بوری کی اوسط ریٹل قیمت 1360 ، حیدر آباد 1400، سکھر 1550، لاڑکانہ 1416، کوئٹہ 1450 اور خضدار میں سیمنٹ کی فی بوری کی اوسط ریٹل قیمت 1443 روپے ریکارڈ کی گئی۔