Live Updates

آئی ایم ایف کی بجٹ ہر صورت جون کے آخر تک پارلیمان سے منظور کرانے کی ہدایت

حکومت آئندہ بجٹ کو آئی ایم ایف کی شرائط کے مطابق حتمی شکل دے رہی ہے،ذرائع

بدھ 4 جون 2025 12:51

آئی ایم ایف کی بجٹ ہر صورت جون کے آخر تک پارلیمان سے منظور کرانے کی ..

اسلام آباد(اُردو پوائنٹ اخبارتازہ ترین - این این آئی۔ 04 جون2025ء)آئی ایم ایف نے حکومت پاکستان کو آئندہ مالی سال 2025-26کا بجٹ مکمل طور پر سٹاف لیول معاہدے کے تحت تیار کرنے اور ہر صورت جون کے آخر تک پارلیمان سے منظور کرانے کی ہدایت دے دی ۔ذرائع کے مطابق آئی ایم ایف نے واضح کیا ہے کہ بجٹ کی تیاری اور منظوری طے شدہ اہداف کے مطابق ہونا لازم ہے اور یہ معاہدے کی بنیادی شرط ہے،اسی تناظر میں بجٹ سے متعلق اہم اجلاس عید کی چھٹیوں کے بعد بلانے کا فیصلہ بھی حکمت عملی کا حصہ ہے۔

(جاری ہے)

حکام کے مطابق آئی ایم ایف نے زرعی آمدن پر نیا ٹیکس لاگو کرنے کے جامع پلان پر بھی زور دیا ہے اور اس ٹیکس کا نفاذ بھی بنیادی شرائط میں شامل ہے۔ حکومت اور آئی ایم ایف کے درمیان جاری مذاکرات میں بجٹ کی ساخت، آمدن و اخراجات کے تخمینے اور ٹیکس اصلاحات پر اتفاق رائے کے بغیر عملدرآمد ممکن نہیں ہوگا۔ذرائع کے مطابق حکومت آئندہ بجٹ کو آئی ایم ایف کی شرائط کے مطابق حتمی شکل دے رہی ہے تاکہ جلد از جلد اسٹاف لیول معاہدہ طے پا سکے اور پاکستان کو نئے مالیاتی پروگرام کی راہ ہموار ہو۔