Live Updates

کراچی میں یکم جون سے 4 جون تک کم شدت کی26 زلزلے رپورٹ

کمزور اسٹرکچر یا خستہ حال عمارتوں سے شہری دور رہیں،سربراہ سونامی وارننگ سیل

بدھ 4 جون 2025 20:50

کراچی (اُردو پوائنٹ اخبارتازہ ترین - این این آئی۔ 04 جون2025ء)پاکستان میٹرولوجیکل ڈیپارٹمنٹ کے مطابق کراچی میں یکم جون سے 4 جون تک کم شدت والے 26 زلزلے رپورٹ کیے گئے ہیں۔زلزلے کی کم سے کم شدت ریکٹر اسکیل پر 2.2 اور زیادہ شدت 3.5 ریکارڈ کی گئی ہے جبکہ آخری زلزلہ آج رات 2 بج کر 8 منٹ پر 3شدت کا رپورٹ ہوا۔

(جاری ہے)

،پاکستان میٹرولوجیکل ڈیپارٹمنٹ کے چیف میٹرولوجسٹ عامر حیدر لغاری نے کہا کہ زلزلے کے جھٹکوں کا سلسلہ آئندہ ہفتے تک جاری رہنے کا امکان ہے جبکہ تواتر سے زلزلے لانڈھی فالٹ لائن فعال ہونے کی وجہ سے آرہے ہیں۔

دوسری جانب سونامی وارننگ سیل کے سربراہ نے کہا کہ کمزور اسٹرکچر یا خستہ حال عمارتوں سے شہری دور رہیں۔کراچی میں پہلا زلزلہ یکم جون کو شام 5 بج کر 33 منٹ پر 3.6 شدت کے ساتھ محسوس کیا گیا، جبکہ آخری زلزلہ گزشتہ شب 2 بج کر 08 منٹ پر آیا جس کی شدت ریکٹر اسکیل پر 3 تھی، زیادہ تر زلزلوں کا مرکز ملیر، کراچی کے اطراف میں تھا۔زلزلہ پیما مرکز نے بتایا کہ زلزلوں کے جھٹکے کراچی کے مختلف علاقوں میں محسوس کیے گئے۔