گورنرخیبرپختونخوا سے پاکستان میں تعینات اسٹریا کی سفیر انڈریا ویکی کی ملاقات

افغانستان کی موجودہ و ماضی کی صورتحال ،امن وامان سے متعلق امور پر تبادلہ خیال

بدھ 4 جون 2025 21:45

گورنرخیبرپختونخوا سے پاکستان میں تعینات اسٹریا کی سفیر انڈریا ویکی ..

پشاور(اُردو پوائنٹ اخبارتازہ ترین - این این آئی۔ 04 جون2025ء) گورنرخیبرپختونخوا فیصل کریم کنڈی سے پاکستان میں تعینات اسٹریا کی سفیر انڈریا ویکی نے بدھ کے روز گورنرہاوس پشاور میں ملاقات کی۔ملاقات میں باہمی دلچسپی کے امور ،خیبرپختونخوا اور اسٹریا کے مابین دوطرفہ تعاون، کھیلوں کی سرگرمیوں اور سیاحت کے فروغ سے متعلق امور پر تبادلہ خیال کیاگیا۔

ملاقات میں افغانستان کی موجودہ و ماضی کی صورتحال امن وامان سے متعلق امور بھی زیربحث رہے۔

(جاری ہے)

گورنرنے کہاکہ خیبرپختونخوا کے شمالی اضلاع سیاحت کیلئے دنیا میں پرکشش مقام رکھتے ہیں،سیاحتی شعبہ میں سرمایہ کاری کیلئے عالمی کمپنیوں کو خوش آمدید کہتے ہیں۔انہوں نے کہاکہ خیبرپختونخوا تاریخی قدیمی تہذیب کا امین اور قدرتی وسائل سے مالامال صوبہ ہے اور کوشش ہے کہ مقامی وسائل کو بروئے کار لاکر مقامی آبادی کو فائدہ پہنچایاجائے۔آسٹریا کی سفیرنے دہشت گردی کے خلاف جنگ میں سیکورٹی فورسز اور پولیس کی قربانیوں اور عزم کو سراہااور مختلف شعبوں میں تعاون اور بالخصوص سیاحت کے فروغ کیلئے مشترکہ طور پر کام کرنے میں دلچسپی ظاہر کی۔