صوبہ بھر میں شاہرات پر شہریوں کی خدمت ، تحفظ و قوانین کی پاسداری کیلئے سرگرم عمل ہیں، پنجاب ہائی وے پٹرول

بدھ 4 جون 2025 22:20

لاہور (اُردو پوائنٹ اخبارتازہ ترین - اے پی پی۔ 04 جون2025ء) پنجاب ہائی وے پٹرول (پی ایچ پی) صوبہ بھر میں شاہرات پر شہریوں کی خدمت و تحفظ اور قوانین کی پاسداری کیلئے سرگرم عمل ہے جس کے تسلسل میں پی ایچ پی نے ماہِ مئی 2025کی کارکردگی رپورٹ جاری کردی ہے۔ ترجمان پنجاب پولیس نے تفصیلات بتاتے ہوئے کہا کہ ماہ اپریل میں پی ایچ پی نے شاہرات پر بذریعہ ای پولیس پوسٹ ایپ 3.8ملین افراد کو چیک کیاگیا، دورانِ چیکنگ 424اشتہاری مجرمان اور عدالتی مفروران کو گرفتار کیا گیا۔

پنجاب بھر کی شاہرات پر 1.7ملین گاڑیوں کو چیک کیا گیا، 263چوری شدہ گاڑیاں اور موٹر سائیکلیں برآمد کی گئیں۔ ایکسل لوڈ کی خلاف ورزی پر 44ہزار9سو 27اوور لوڈڈ گاڑیوں کے خلاف قانونی کارروائی کی گئی۔ گیس سلنڈر کے غیر قانونی استعمال پر 1516گاڑیوں کے خلاف کارروائی کی گئی۔

(جاری ہے)

شہریوں کی سہولت کے پیشِ نظر 24010ڈرائیونگ لائسنس جاری کیے گئے۔ 40گمشدہ بچوں کو ان کے والدین سے ملوایا گیا اور6806عارضی و مستقل تجاوزات کو ختم کر کے ٹریفک کے بہا ئوکو بہتر بنایا گیا۔

10624مسافروں کو شاہرات پر مختلف نوعیت کی مدد و رہنمائی فراہم کی گئی، پولیس خدمت مراکز پر 16648شہریوں کو مختلف پولیسنگ خدمات فراہم کی گئیں۔ ناجائز اسلحہ کے استعمال پر 56مقدمات درج کئے گئے، ملزمان کے قبضہ سے 3کلاشنکوف، 6 رائفلز، 47پسٹلز اور سینکڑوں گولیاں برآمد کی گئیں۔منشیات فروشوں سے 1305لیٹر شراب، 2325گرام چرس، 250گرام آئس،3500گرام حشیش اور 40گرام ہیروئن برآمد کی گئی۔آئی جی پنجاب نے بہترین کارکردگی پر پی ایچ پی کو شاباش دی ہے۔انہوں نے پولیس افسران کو ہدایت دیتے ہوئے کہا کہ ٹریفک کی روانی اور شہریوں کی خدمت و حفاظت کیلئے بھرپور محنت اور خلوص نیت سے فرائض سر انجام دئیے جائیں۔