Live Updates

عیدالاضحی پر پنجاب میں ہیٹ ویو کا الرٹ جاری،گرد و غبار اور تیز ہواوں کا بھی خدشہ

7 سے 12 جون تک درجہ حرارت بڑھنے اور ہیٹ ویوکے خدشات ہیں، عوام کو غیر ضروری باہر نکلنے اور پانی کا استعمال بڑھانے کی ہدایات،شہری احتیاطی تدابیر اختیار کریں ، ضلعی انتظامیہ سمیت متعلقہ محکمے متوقع ہیٹ ویوکے پیش نظرالرٹ رہیں، مراسلہ جاری

فیصل علوی جمعہ 6 جون 2025 12:47

عیدالاضحی پر پنجاب میں ہیٹ ویو کا الرٹ جاری،گرد و غبار اور تیز ہواوں ..

لاہور(اردوپوائنٹ اخبار تازہ ترین۔06 جون 2025)پنجاب میں عیدالاضحیٰ کے ایام میں درجہ حرارت بڑھنے اور ہیٹ ویوکا الرٹ جاری کردیا گیا، پی ڈی ایم اے پنجاب کا کہنا ہے کہ 7 سے 12 جون تک درجہ حرارت بڑھنے اور ہیٹ ویوکے خدشات ہیں،عوام کو غیر ضروری باہر نکلنے اور پانی کا استعمال بڑھانے کی ہدایت کی گئی ہے، ریلیف کمشنرکا کہنا ہے کہ ضلعی انتظامیہ سمیت متعلقہ محکمے متوقع ہیٹ ویوکے پیش نظرالرٹ رہیں۔

ہیلتھ، ٹرانسپورٹ، لوکل گورنمنٹ، ریسکیو1122 اور دیگرمحکموں کو الرٹ جاری کیا گیا ہے۔ مراسلے میں کہا گیا کہ شدید گرمی کے باعث گرد و غبار اور تیز ہواوں کا بھی خدشہ، شہری احتیاطی تدابیر اختیار کریں۔پی ڈی ایم اے کے مطابق آئندہ چند روز میں درجہ حرارت میں غیر معمولی اضافے کااخدشہ ہے۔

(جاری ہے)

ریلیف کمشنر پنجاب نبیل جاوید کی صوبہ بھر کے کمشنرز و ڈپٹی کمشنرز کو الرٹ رہنے کی ہدایات کرتے ہوئے کہا ضلعی انتظامیہ سمیت متعلقہ محکمے متوقع ہیٹ ویو کے پیش نظر الرٹ رہیں۔

ترجمان نے خبردار کیا کہ 12 جون تک درجہ حرارت کے5 سے 7 ڈگری سینٹی گریڈ معمول سے زیادہ رہنے کا خدشہ ہے اس دوران جنوبی ووسطی علاقوں میں گرمی کی شدت برقراررہے گی۔ ترجمان کا کہنا تھا کہ 7سے 12 جون تک پنجاب کے بڑے شہروں اور میدانی علاقوں میں درجہ حرارت بڑھنے اور ہیٹ ویو کے خدشات ہیں اور آئندہ چند روز میں درجہ حرارت میں غیر معمولی اضافے کا خدشہ ہے۔

مراسلے میں عوام کو غیر ضروری طور پر سورج کی روشنی سے بچنے اور پانی کا استعمال بڑھانے کی ہدایت کی گئی ہے۔گرمی اور خشک موسمی حالات سے ہیٹ اسٹروک اورآبی ذخائر پر پانی کے دباو کا بھی امکان ہے اور گرمی کی شدت سے بالائی علاقوں میں برف پگھلنے کی رفتارمیں اضافہ ممکن ہے۔دوسری جانب کوئٹہ سمیت بلوچستان کے بیشتر اضلاع میں موسم خشک اور جنوبی علاقوں میں گرم ہے۔ محکمہ موسمیات کے مطابق صوبے کے بیشتر اضلاع میں آج موسم گرم اور خشک رہے گا جبکہ میدانی علاقوں میں موسم شدید گرم رہنے اور اس دوران مختلف علاقوں میں تیز اور گرد آلود ہوائیں چلنے کا بھی امکان ہے۔ضلع بارکھان اور گردونواح میں آج شام یا رات کے وقت چند مقامات پرہلکی سے درمیانی بارش کی توقع ہے۔