Live Updates

چیف سیکرٹری خیبر پختونخوا شہاب علی شاہ کی مسلم اُمہ کو دلی مبارکباد

یہ عید ہمارے درمیان اتحاد کو مضبوط کرے، ترقی و خوشحالی کے لئے ہمارے اجتماعی عزم کو تقویت دے اور ہر گھر میں خوشیاں لے کر آئے

جمعہ 6 جون 2025 20:40

پشاور(اُردو پوائنٹ اخبارتازہ ترین - این این آئی۔ 06 جون2025ء)چیف سیکرٹری خیبر پختونخوا شہاب علی شاہ نے عید الاضحیٰ کے موقع پرمسلم اُمہ بالخصوص پاکستان اور خیبر پختونخوا کے باہمت اور ہمدرد عوام کو دلی مبارکباد پیش کی ہے۔

(جاری ہے)

انہوں نے کہا ہے کہ عید الاضحیٰ حضرت ابراہیم علیہ السلام کی عظیم قربانی کی یاد دلاتی ہے اور ہمیں ایثار اور قربانی کے جذبے کو اپنانے اور معاشرتی بھلائی کے لئے اپنے عزم کی تجدید کا موقع فراہم کرتی ہے۔اللہ کرے کہ ہمارے اعمالِ خیر، قربانی اور جذبہ خیر سگالی دوسروں کے لئے راحت اور خوشی کا ذریعہ بنے۔انہوں نے دعاکی کہ یہ عید ہمارے درمیان اتحاد کو مضبوط کرے، ترقی و خوشحالی کے لئے ہمارے اجتماعی عزم کو تقویت دے اور ہر گھر میں خوشیاں لے کر آئے۔