Live Updates

معاون خصوصی وزیراعلی پنجاب راشد اقبال نصر اللہ کا شہر کے مختلف علاقوں کا دورہ

اتوار 8 جون 2025 17:00

لاہور (اُردو پوائنٹ اخبارتازہ ترین - اے پی پی۔ 08 جون2025ء) معاون خصوصی وزیراعلی پنجاب راشد اقبال نصر اللہ عید کے دوسرے دن بھی فیلڈ میں موجود رہے، شہر کے مختلف علاقوں کا دورہ، صفائی انتظامات کا جائزہ لیا ۔معاون خصوصی نے اتوار کے روز ستھرا پنجاب کاونٹرز کا دورہ کیا اور ورکرز سے ملاقات کی۔

(جاری ہے)

اس مو قع پر انہوں نے گفتگو کر تے ہو ئے کہا کہ سینٹری ورکرز ہمارے ہیروز ہیں، وزیراعلی پنجاب ورکرز کی بہت قدر کرتی ہیں۔

معاون خصوصی نے کہا کہ حکومت پنجاب نے عید الاضحٰی کے موقع پر صفائی کے خصوصی اقدامات کیے ہیں ،لاہور ویسٹ منیجمنٹ کمپنی کے انتظامات قابل ستائش ہیں ۔ انہوں نے شہر یوں سے اپیل کر تے ہو ئے کہا کہ وہ مخصوص پوائنٹس پر باقیات پھینکیں تاکہ گلی، محلے صاف رہیں،صفائی نصف ایمان ہے، شہری انتظامیہ کے ساتھ تعاون کریں ۔ اس مو قع پرشہریوں نے حکومت کے عید صفائی پلان کی تعریف کی۔