Live Updates

فیفا ورلڈ کپ کوالیفائر،پاکستان کی قومی فٹبال ٹیم میانمار پہنچ گئی

پاکستان اور میانمار کا اہم میچ 10 جون کو میانمار کے دارالحکومت ینگون کے تھوونا اسٹیڈیم میں کھیلا جائے گا

پیر 9 جون 2025 12:10

ینگون(اُردو پوائنٹ اخبارتازہ ترین - این این آئی۔ 09 جون2025ء)پاکستان کی قومی فٹبال ٹیم آئندہ اہم مقابلے کے لیے میانمار پہنچ گئی ہے جہاں وہ فیفا ورلڈ کپ کوالیفائر کے سلسلے میں میانمار سے مقابلہ کرے گی۔ ٹیم نجی ایئرلائن کی پرواز کے ذریعے براستہ بنکاک،میانمار کے شہر ینگون پہنچی۔پاکستان ٹیم پیر سے تھوونا سٹیڈیم میں باقاعدہ ٹریننگ کا آغاز کرے گی۔

(جاری ہے)

پاکستان اور میانمار کے درمیان یہ اہم میچ 10 جون کو میانمار کے دارالحکومت ینگون کے تھوونا اسٹیڈیم میں کھیلا جائے گا۔میچ پاکستانی وقت کے مطابق سہ پہر 3:30 بجے شروع ہو گا۔ گروپ ای میں پاکستان کے علاوہ شام، افغانستان اور میزبان میانمار کی ٹیمیں بھی شامل ہیں۔ پاکستانی کوچنگ سٹاف نے امید ظاہر کی ہے کہ ٹیم بہتر کارکردگی کا مظاہرہ کرے گی اور مداحوں کو ایک پرجوش اور سنسنی خیز میچ دیکھنے کو ملے گا۔