محسن نقوی کا فتنہ الہندوستان کے دہشتگردوں کے مذموم عزائم ناکام بنانے پر سی ٹی ڈی پنجاب کو خراج تحسین

فتنہ الہندوستان کیدہشتگردوں اور آلہ کاروں کا ہر جگہ پیچھا کریں گے اور عبرتناک انجام تک پہنچائیں گے،وزیرداخلہ

پیر 9 جون 2025 13:05

اسلام آباد (اُردو پوائنٹ اخبارتازہ ترین - این این آئی۔ 09 جون2025ء)وفاقی وزیرداخلہ محسن نقوی نے فتنہ الہندوستان کے دہشتگردوں کے مذموم عزائم ناکام بنانے پر سی ٹی ڈی پنجاب کو خراج تحسین پیش کیا ہے۔

(جاری ہے)

وزارت داخلہ کی طرف سے جاری بیان میں وزیر داخلہ نے کہا کہ سی ٹی ڈی پنجاب نے بروقت کارروائی کرکے فتنہ الہندوستان کے 3 دہشتگردوں کو گرفتار کیا، سی ٹی ڈی کی پوری ٹیم کو پنجاب میں دہشتگردی کا منصوبہ ناکام بنانے پر مبارکباد دیتا ہوں۔

محسن نقوی نے کہا کہ سی ٹی ڈی پنجاب کے افسروں اور جوانوں نے تخریب کاری ناکام بنا کر شاندار پیشہ وارانہ صلاحیتوں کا مظاہرہ کیا۔ انہوں نے کہا کہ سی ٹی ڈی پنجاب کا قابل فخر ادارہ ہے۔ محسن نقوی نے کہا کہ فتنہ الہندوستان کیدہشتگردوں اور آلہ کاروں کا ہر جگہ پیچھا کریں گے اور عبرتناک انجام تک پہنچائیں گے۔