Live Updates

پ*فلم’’دیمک‘‘نے پاکستانی سنیما کی تاریخ میں نیا سنگِ میل عبور کرلیا

:فلم کے مرکزی کرداروں فیصل قریشی، سونیا حسین سمیت ثمینہ پیرزادہ، جاوید شیخ، بشری انصاری اور دیگر سینئر فنکار شامل ہیں

پیر 9 جون 2025 16:20

(کراچی ( آن لائن)جیو فلمز کے تعاون سے ریلیز ہونے والی فلم دیمک کی دھماکے دار نمائش جاری ہے۔پاکستان کی سب سے بڑی ہارر فلم دیمک نے ریلیز کے پہلے ہی ہفتے میں زبردست کامیابی حاصل کرتے ہوئے پاکستانی سنیما کی تاریخ میں ایک نیا سنگِ میل عبور کرلیا ہے۔ایک محتاط اندازے کے مطابق فلم اب تک 6 کروڑ روپے سے زائد کا بزنس کر چکی ہے اور شائقین کی زبردست پذیرائی کے ساتھ باکس آفس پر کامیابی سے ہمکنار ہو رہی ہے۔

(جاری ہے)

فلم بینوں کا کہنا ہے کہ دیمک کی کہانی، سسپنس، خوفناک مناظر اور جدید ٹیکنالوجی کا استعمال اسے باقی ہارر فلموں سے بالکل منفرد بناتا ہے جبکہ شائقین بھی اسے خوب پسند کر رہے ہیں۔ایگزیکٹو پروڈیوسر سید مراد علی، ہدایتکار رافع راشدی اور عائشہ مظفر کی تحریر سے مزین اس فلم میں ناصرف خوف اور تھرل ہے بلکہ معاشرتی مسائل اور جذباتی لمحات کو بھی بڑی خوبصورتی سے دکھایا گیا ہے۔فلم کے مرکزی کرداروں فیصل قریشی، سونیا حسین سمیت ثمینہ پیرزادہ، جاوید شیخ، بشری انصاری اور دیگر سینئر فنکار شامل ہیں۔