راولپنڈی ،عید الاضحی کی نماز پولیس لائنز ہیڈ کوارٹرز کی جامع مسجد میں ادا کی گئی،آر پی او، سی پی او ودیگر افسران کی شرکت

بہترین سیکورٹی فرائض سرانجام دینے پر بابر سرفراز الپا ،خالد ہمدانی کی راولپنڈی پولیس کو شاباشی

پیر 9 جون 2025 19:00

راولپنڈی(اُردو پوائنٹ اخبارتازہ ترین - این این آئی۔ 09 جون2025ء)عید الاضحی کی نماز پولیس لائنز ہیڈ کوارٹرز راولپنڈی کی جامع مسجد میں ادا کی گئی، آر پی او راولپنڈی بابر سرفراز الپا، سی پی او راولپنڈی سید خالد ہمدانی، ڈپٹی کمشنر راولپنڈی حسن وقار چیمہ، ڈویژنل ایس پیز سمیت دیگر سینئر پولیس افسران اور اہلکاروں نے نماز عید ادا کی۔

(جاری ہے)

تفصیلات کے مطابق عید الاضحٰی کی نماز پولیس لائنز ہیڈ کوارٹرز راولپنڈی کی جامع مسجد میں ادا کر دی گئی، آر پی او راولپنڈی بابر سرفراز الپا، سی پی او راولپنڈی سید خالد ہمدانی، ڈپٹی کمشنر راولپنڈی حسن وقار چیمہ، ڈویژنل ایس پیز سمیت دیگر سینئر پولیس افسران اور اہلکاروں نے نماز عید ادا کی، نماز کے بعد شہداء کے درجات کی بلندی، مسلم امہ اور ملک و قوم کی سلامتی کیلئے دعا کی گئی،نماز عید کی ادائیگی کے بعد آر پی او راولپنڈی بابر سرفراز الپا، سی پی او راولپنڈی سید خالد ہمدانی، ڈپٹی کمشنر راولپنڈی حسن وقار چیمہ پولیس افسران و اہلکاران سے عید ملے، کانسٹیبل الطاف حسین شہید میس میں فورس کے لئے کھانے کا اہتمام کیا گیا تھا، آر پی او راولپنڈی، سی پی او راولپنڈی اور سینئر افسران نے پولیس افسران و اہلکاروں کے ہمراہ کھانا کھایا،عید الاضحی کے موقعہ پر شہر بھر میں نماز عید کے لیے راولپنڈی پولیس کے 2700 افسران تعینات کیے گئے تھے،604 مساجد،62 کھلے مقامات،72 امام بارگاہوں پر عید کی نماز کے حوالے سے سیکورٹی کے انتظامات کیے گئے تھے،عید پر بہترین سیکورٹی کے فرائض سرانجام دینے پر آر پی او بابر سرفراز الپا اور سی پی او سید خالد ہمدانی نے راولپنڈی پولیس کو شاباش دی،سی پی او سید خالد ہمدانی کا کہنا تھا کہ شہریوں کی جان ومال کی حفاظت اولین ذمہ داری ہے،جس کے لیے راولپنڈی پولیس 24/7 مصروف عمل ہے۔