Live Updates

پاکستان سمیت دنیا بھرمیں یوگا کا عالمی دن 21 جون کو منایا جا ئے گا

یوگا سنسکرت زبان کا لفظ ہے جس کا مطلب قابو پانا اور متحد کرنا ہے

منگل 10 جون 2025 17:34

جڑانوالہ (اُردو پوائنٹ اخبارتازہ ترین - آن لائن۔ 10 جون2025ء) پاکستان سمیت دنیا بھر میں یوگا کا عالمی دن 21 جون کو منایا جا ئے گا۔ سال 2015 میں اقوام متحدہ نے 21 جون کو یوگا کا عالمی دن قرار دیا تھا۔یوگا سنسکرت زبان کا لفظ ہے جس کا مطلب قابو پانا اور متحد کرنا ہے۔ واضح رہے کہ بدھ مت اور ہندو مذہب میں یوگا جسم اور سانس کی ورزشوں اور مراقبے کا مرکب ہے۔

(جاری ہے)

اس عمل کو اپنے نفس پر قابو پانے اور صحت مند رکھنے کے لیے استعمال کیا جاتا ہے۔ ایک تحقیق کے مطابق یوگا جسمانی اور نفسیاتی ورزش کا طریقہ ہے جو انسانی صحت پر خوشگوار اثرات مرتب کرتا ہے۔ یوگا کے عالمی دن کی مناسبت سے مختلف اداروں اور تنظیموں کے زیر انتظام تقریبات کا انعقاد کیا جائے گا تاکہ عام آدمی کو یوگا کے حوالہ سے آگاہی فراہم کی جا سکے۔