Live Updates

ایف آئی اے امیگریشن کی سیالکوٹ ایئرپورٹ پر کارروائی ، جعلی دستاویزات پر بیرون ملک سے آنے والے مسافر کو حراست میں لے لیا

بدھ 11 جون 2025 11:00

سیالکوٹ (اُردو پوائنٹ اخبارتازہ ترین - اے پی پی۔ 11 جون2025ء) ایف آئی اے امیگریشن نے سیالکوٹ ایئرپورٹ پر کارروائی کرکے جعلی دستاویزات پر بیرون ملک سے آنے والے مسافر کو حراست میں لے لیا ہے ۔ترجمان ایف آئی اے کے مطابق مسافر کی شناخت عبدالحمید کے نام سے ہوئی ،مسافر فلائٹ نمبر جی9552 کے ذریعے کینیا سے پاکستان پہنچا۔

(جاری ہے)

مسافر کے پاسپورٹ پرکینیڈا کا جعلی ویزا لگا ہوا تھا ،ابتدائی تفتیش کے مطابق مسافر گزشتہ ماہ کینیا گیا تھا،مسافر نے کینیا کے ایجنٹ سے مذکورہ ٹمپرڈ ویزا حاصل کیا،مسافر نے مذکورہ ویزے کی بنیاد پر پاکستان سے کینیڈا جانے کی کوشش کرنا تھی ۔ترجمان کے مطابق مسافر کو مزید کارروائی کے لیے ایف آئی اے اینٹی ہیومن ٹریفکنگ سرکل گجرات منتقل کر دیا گیا ہے۔