کراچی باسکٹ بال ایسوسی ایشن کے انتخابات 14 جون 2025ء کو ہوں گے

جمعہ 13 جون 2025 21:10

کراچی (اُردو پوائنٹ اخبارتازہ ترین - اے پی پی۔ 13 جون2025ء) کراچی باسکٹ بال ایسوسی ایشن (کے بی اے) کے انتخابات 14 جون 2025ء کو نیشنل سٹیڈیم کراچی کے قریب واقع فاران کلب میں ہوں گے۔ اس کا اعلان کراچی باسکٹ بال سکروٹنی کمیٹی کے چیئرمین اشفاق احمد نے کیا۔ ایک پریس بیان میں اشفاق احمد نے تصدیق کی کہ کراچی میں باسکٹ بال کلبوں کی جانچ پڑتال کے عمل کو کامیابی کے ساتھ مکمل کیا گیا ہے۔

(جاری ہے)

انہوں نے کہا کہ مکمل پڑتال کے بعد ہم نے 16 اہل کلبوں کی ایک فہرست کو حتمی شکل دی ہے جو تمام ضروری معیارات پر پورا اترتے ہیں۔ نوٹسز کو ووٹنگ کے حقوق کے ساتھ تمام ممبر کلبوں کو باضابطہ طور پر بھیجا گیا ہے اور انہیں انتخابی عمل میں حصہ لینے کی دعوت دی گئی ہے۔ متعلقہ محکموں اور حکام کو بھی باضابطہ طور پر آگاہ کیا گیا ہے۔ انتخابات کے اختتام پر سپورٹس ڈیپارٹمنٹ حکومت سندھ، سندھ اولمپک ایسوسی ایشن اور پاکستان باسکٹ بال فیڈریشن کو ایک جامع رپورٹ پیش کی جائے گی۔