Live Updates

فاٹا اورپاٹا پر ٹیکس کو نہیں مانتے، ہم کسی طور فاٹا ٹیکس نہیں لگائیں گے،علی امین

جمعہ 13 جون 2025 22:39

پشاور(اُردو پوائنٹ اخبارتازہ ترین - این این آئی۔ 13 جون2025ء) وزیراعلی خیبرپختونخواعلی آمین گنڈاپور نے کہا ہے کہ ہم اپنے تمام مظلوم مسلمان بہن بھائیوں کے ساتھ ہیں، اپوزیشن کا احتجاج سر آنکھوں پر، مثبت تجاویز دیں ہم کنسیڈر کریں گے،اسمبلی اجلاس میں اظہارخیال کرتے ہوئے وزیراعلی نے کہا کہ افسوس ہے کہ اس اسمبلی میں فارم 47 والے بھی ہوں گے، جو جو بھی فارم 47 والوں کو لائے ہیں اللہ انہیں غرق کرے، گورنر جانتا ہے کہ آئینی تقاضے پورا کرنا ہوتے ہیں، انہوں نے اجلاس کی سمری دستخط نہیں کی۔

گورنر کا یہ اقدام وہی سازش ہے جو ہماری جماعت اور ہمارے خلاف کی گئی۔ وفاقی حکومت بجٹ، دھوکہ ہے ، اس پر کھل کر بات ہوگی، اس میں عوام کو دھوکہ دیا گیا ہے۔وزیراعلی نے کہا کہ ہم کسی طور فاٹا اورپاٹا پر ٹیکس کو نہیں مانیں گے،، ہم کسی طور فاٹا پاٹا پر ٹیکس نہیں لگائیں گے، ایسے کسی ٹیکس کی وصولی پر ہماری حکومت کوئی کام نہیں کرے گی۔

(جاری ہے)

فاٹا پاٹا ٹیکس کی راہ میں ہم رکاوٹ بنیں گے۔

انہوں نے کہا کہ افسوس کے ہماری ملاقات تک نہیں کرائی جاتی بانی پی ٹی آئی سے، ہم یہ تجاویز بانی پی ٹی آئی کے سامنے رکھنا چاہتے ہیں، اگر ہماری یہ ملاقات نہ کرائی گئی تو ذمہ داری وفاقی حکومت پر ہوگی، بجٹ کے حوالے سے جو فیصلہ بانی پی ٹی آئی کریں گے وہ ہم سب کا بھی ہوگا، اگر کسی نے آپ کو حکومت دے کی دی ہے تو سازشیں چھوڑو عوام کی خدمت کرو۔ جو جو بھی کسی غلط طریقے سے اس اور کسی ایوان میں بھی پہنچا ہے، خدایا ان سب کو اور انہیں لانے والوں کو غرق کر دے۔