جے یوآئی کے سربراہ مولانا فضل الرحمان کا حیدرآباد میں آج تاریخی خطاب ہوگا

جون کو "دفاعِ وطن و اسرائیل مردہ باد اور سندہ امن ملین مارچ" میں لاکھوں عوام شرکت کرینگے، علامہ راشد محمود سومرو

ہفتہ 14 جون 2025 17:42

کراچی(اُردو پوائنٹ اخبارتازہ ترین - این این آئی۔ 14 جون2025ء) جے یوآئی کے سربراہ مولانا فضل الرحمان کا حیدرآباد میں تاریخی خطاب ہوگا، 15جون کو "دفاعِ وطن و اسرائیل مردہ باد اور سندہ امن ملین مارچ" میں لاکھوں عوام شرکت کرینگے۔جے یو آ سندہ نے تین کروڑ روپے کا سامان غزہ پہنچایا گیا۔ قائد سندہ علامہ راشد محمود سومرو۔تفصیلات کے مطابق جمعیت علمائے اسلام کے سربراہ مولانا فضل الرحمان 15 جون کو حیدرآباد کے قاسم آباد میں ایک عظیم الشان "دفاع وطن، اسرائیل مردہ باد اور سندھ امن ملین مارچ" سے تاریخی خطاب کریں گے۔

یہ بات جے یو آئی سندھ کے بے باک اور جری قائد علامہ راشد محمود سومرو نے اپنے ایک اہم بیان میں کہی۔ ان کا کہنا تھا کہ یہ پروگرام نہ صرف فلسطینیوں پر اسرائیلی مظالم کے خلاف نفرت کا اظہار ہوگا بلکہ سندھ میں بڑھتی ہوئی بدامنی، ڈاکو راج، قبائلی جھگڑوں اور حکمرانوں کی مجرمانہ خاموشی پر عوامی ردعمل بھی ثابت ہوگا۔

(جاری ہے)

علامہ سومرو نے کہا کہ یہ مارچ سندھ کی دھرتی سے ظلم، دہشتگردی، اور ڈاکو راج کے خاتمے کا اعلان ثابت ہوگا۔

مزید کہا کہ جے یو آ سندہ نے دوسرے فیس میں تین کروڑ روپے کی کہاد خوراک ،پانی دوائیںاں اور دیگر سامان غزہ پہنچیایا گیا انہوں نے سندھ کے غیور عوام سے اپیل کی کہ وہ قومی، دینی اور ملی ذمہ داری ادا کرتے ہوئے بھرپور شرکت کریں۔جے یو آئی سندھ کے پریس سیکریٹری ڈاکٹر اے جی انصاری نے عوام اور میڈیا سے اپیل کی ہے کہ وہ اس بیداری مارچ کو بھرپور کوریج دے کر مظلوم فلسطینیوں اور بے بس عوام کے لیے آواز بلند کریں۔

دوسری جانب جے یو آئی کے مرکزی سالار عبدالرزاق عابد لاکہو اور صوبائی سالار سلیم سندھی نے سیکیورٹی سمیت دیگر انتظامات کو حتمی شکل دے دی ہے، جب کہ جے یو آئی ضلع حیدث کے امیر مولانا تاج محمد ناہیوں، جنرل سیکریٹری خالد حسین دہامرہ اور دیگر ضلعی و تحصیل سطح کے قائدین نے انتظامی امور مکمل کر لیے ہیں۔ادھر جے یو آئی حیدرآباد کے متحرک ترجمان محمد اعظم جھانگیری نے صحافی برادری سے ملاقات کرتے ہوئے تمام میڈیا ہاسز سے گزارش کی ہے کہ وہ اس تاریخی موقع کی مثر اور بھرپور کوریج کریں۔