قصور، پنجاب حکومت عوام کو ہر شعبہ میں ریلیف فراہم کرنے کے لئے پرعزم ہے،سپیکر پنجاب اسمبلی

ہفتہ 14 جون 2025 21:44

قصور (اُردو پوائنٹ اخبارتازہ ترین - اے پی پی۔ 14 جون2025ء) ڈپٹی کمشنر آفس میں ڈسٹرکٹ کوآرڈینیشن کمیٹی کا اجلاس ہوا۔اجلاس میں کنوینئر کمیٹی و رکن صوبائی اسمبلی رانا محمد اقبال خاں ،سپیکر پنجاب اسمبلی ملک محمد احمد خاں،اراکین صوبائی اسمبلی ملک احمد سعید خاں ،حاجی نعیم صفدر انصاری،چوہدری احسن رضا خان،چوہدری الیاس گجر، چوہدری محمود انور، ڈپٹی کمشنر عمران علی‘ڈی پی او محمد عیسیٰ خاں،ملک ریاض احمد خاں ،ملک تیمور احمد خاں اور دیگر نے شرکت کی۔

اجلاس میں ایس ای لیسکو،ایڈیشنل ڈپٹی کمشنرز، اسسٹنٹ کمشنرز،سی ای او زایجو کیشن، ہیلتھ،ڈپٹی ڈائریکٹر زڈویلپمنٹ،کالجز،لوکل گورنمنٹ، سوشل ویلفیئر،لیبر، ایکسئینز ہائی وے،بلڈنگ، ایری گیشن سمیت تمام ضلعی محکموں کے سربراہان نے شرکت کی۔

(جاری ہے)

اجلاس کو ستھرا پنجاب پروگرام، لیسکو کے حوالے سے بجلی چوری کی روک تھام‘اقدامات اور آئندہ کی حکمت عملی، ہائی وے ،فاریسٹ، ایری گیشن، ڈویلپمنٹ، پرائس کنٹرول ،ضلع میں امن وامان کے قیام، چوری وڈکیتی پر قابو پانے کیلئے کئے گئے اقدامات سمیت ضلع میں جاری وزیر اعلی پنجاب کے گورننس اقدامات پر عملدرآمد کے حوالے سے تفصیلی بریفنگ دی گئی۔

کمیٹی ممبران نے بعض مسائل کی نشاندہی کی اور عوامی بہبود کے اقدامات پر موثر عملدرآمد پر زور دیااور کہا کہ ضلع کی تعمیر وترقی اولین ترجیح ہے۔ضلع میں جاری ترقیاتی سکیموں کو تیز رفتاری کیساتھ مکمل کیا جائے اور اس کے تعمیراتی عمل میں کوالٹی آف ورک پر خصوصی توجہ دی جائے۔سپیکر پنجاب اسمبلی ملک محمد احمد خاں نے کہاکہ پنجاب حکومت عوام کو ہر شعبہ میں ریلیف فراہم کرنے کے لئے پرعزم ہے۔

ضلعی،صوبائی اوروفاقی محکمے ملکی ترقی و عوامی خوشحالی میں مربوط کوآرڈینیشن کے ذریعے بھرپور محنت کریں۔ ملک محمد احمد خاں نے کہاکہ عوام کو زیادہ سے زیادہ ریلیف اور بہتر سہولیات کی فراہمی کو یقینی بنایا جائے۔عوامی منصوبوں کی بروقت تکمیل اور اعلیٰ معیار پر ہرگز سمجھوتا نہیں کیا جائیگا۔ ۔ کنوینئر کمیٹی رانا محمد اقبال خاں نے کہاکہ ترقیاتی منصوبوں میں کوالٹی پر کسی بھی قسم کی غفلت برداشت نہیں کی جائیگی۔\378