Live Updates

ئ*پنجاب حکومت کا آرٹی فیشل انٹیلی جنس سنٹرل میڈیا مانیٹرنگ یونٹ قائم کرنے کا فیصلہ

ظ*آئندہ مالی سال کے بجٹ میں یونٹ کے قیام کیلئی25کروڑ مختص کرنے کی تجویز تیار

ہفتہ 14 جون 2025 20:00

لاہور (اُردو پوائنٹ اخبارتازہ ترین - آن لائن۔ 14 جون2025ء) پنجاب حکومت نے آرٹی فیشل انٹیلی جنس سنٹرل میڈیا مانیٹرنگ یونٹ قائم کرنے کا فیصلہ کیا ہے، مصنوعی ذہانت سے چلنے والے سنٹرل میڈیا مانیٹرنگ یونٹ ڈیجیٹل میڈیا ونگ میں بنایا جائے گا۔ آئندہ مالی سال کے بجٹ میں یونٹ کے قیام کیلئی25کروڑ مختص کرنے کی تجویز تیار کی گئی ہے جبکہ ٹیکنالوجی ایڈوانسمنٹ پروگرام کیلئی10 کروڑ روپے رکھنے کی تجویز بھی بجٹ دستاویز کا حصہ ہو گی۔

اس کے علاوہ پنجاب کونسل آف آرٹس کونسل و دیگر آفس کی سولرائزیشن کیلئی20کروڑ رکھنے ، الحمرا آرٹس کونسل مال روڈاور کلچرل کمپلیکس کی اپ گریڈیشن کیلئی70 کروڑ مختص اور ادبی چائے خانہ، بک ویئر ہائوس کی تعمیر و مرمت کیلئی5کروڑ روپے رکھنے کی تجویز بھی تیار کی گئی ہے۔

(جاری ہے)

بہاولپور آرٹس کونسل بہاولپور، باغ جناح ایئر تھیٹر، ملتان، ڈی جی خان کے منصوبے بھی آئندہ بجٹ میں شامل ہیں،مری کے آرٹس کونسل کی تعمیر ومرمت کے منصوبے شامل کیے گئے ہیں، بھکر آرٹس کونسل کے قیام کا فیصلہ بھی بجٹ دستاویز میں شامل ہوگا جس کے لئے 5کروڑ75لاکھ سے زائد مختص کرنے کی تجویز دی جائے گی ۔

اس کے علاوہ چولستان، ساہیوال، راولپنڈی ،فیصل آباد، بہاولپور میں پراجیکٹ شروع کرنے کا فیصلہ کیا گیا ہے۔ راولپنڈی انفارمیشن کمپلیکس کی تعمیر کا فیصلہ کرتے ہوئے 5کروڑ روپے مختص کرنے ، اوکاڑہ آرٹس کونسل کی تعمیر و مرمت کیلئی9کروڑ 38لاکھ روپے مختص کرنے کی اور پنجاب ٹیلنٹ ہنٹ پروگرام کیلئے ساڑھے 5کروڑروپے مختص کر نے کی تجویز دی جائے گی ۔اس کے علاوہ ڈی جی پی آر کمپلیکس کی نئی بلڈنگ کی تعمیر کیلئی1 ارب 50 کروڑ مختص کرنے کی بھی تجویز بجٹ میں شامل ہو گی ۔