حیدرآباد و لطیف آباد کے لاکھوں شہریوں کو دل کے امراض کی ناکافی سہولتوں کے پیش نظر حیدرآباد سے باہر جا کر علاج کرانا پڑرہا ہے، سید وسیم حسین

اتوار 15 جون 2025 21:05

حیدرآباد(اُردو پوائنٹ اخبارتازہ ترین - این این آئی۔ 15 جون2025ء) ایم کیو ایم کے حیدرآباد سے ارکان قومی اسمبلی سید وسیم حسین اور پروفیسر انجینئر عبدالعلیم خانزادہ نے حکومت سندھ سے مطالبہ کیا ہے کہ حیدرآباد و لطیف آباد کے لاکھوں شہریوں کو دل کے امراض کی ناکافی سہولتوں کے پیش نظر حیدرآباد سے باہر جا کر علاج کرانا پڑتا ہے اور بروقت علاج کی سہولت نا ملنے کے باعث اکثر شہری جان کی بازی ہار جاتے ہیں، انہوں نے کہا کہ حکومت سندھ نے سندھ بھر میں دل کے علاج کے لئے این آئی سی وی ڈی کے یونٹ قائم کئے ہیں ماضی میں ہلال احمر اسپتال لطیف آباد نمبر 2 ماضی میں دل کے امراض کے لئے مشہور اسپتال تھا لیکن حالات کے جبر اور حکومت کی عدم دلچسپی کے باعث اپنی افادیت کھو چکا ہے اب جبکہ حیدرآباد کے لاکھوں عوام کو علاج کی ناکافی سہولتوں اور جدید طرز دل کے امراضِ کے علاج کے سہولت کے لیے ہلال احمر لطیف آباد نمبر 2 کے اسپتال میں این آئی سی وی ڈی یونٹ قائم کیا جائے تا کہ غریب عوام کو سندھ حکومت کے وژن کے تحت علاج کی سہولت قریب تر مہیا کی جا سکے۔