کراچی‘ ریسٹورنٹ پر فائرنگ، ایک شخص جاں بحق اور 5 زخمی

فائرنگ کے بعد ریسٹورنٹ مالک کو فون پر بھتے کیلئے میسیج بھیجا گیا‘ریسٹورینٹ مالک

پیر 16 جون 2025 13:07

کراچی(اُردو پوائنٹ اخبارتازہ ترین - این این آئی۔ 16 جون2025ء) سرجانی فور کے چورنگی کے قریب ریسٹورنٹ پر فائرنگ کے نتیجے میں ایک شخص جاں بحق اور 5 زخمی ہوگئے۔

(جاری ہے)

پولیس کے مطابق ریسٹورینٹ پر فائرنگ کا واقعہ سرجانی فور کے چورنگی پر پیش آیا جس دوران 2 موٹر سائیکل سوار ملزمان نے ریسٹورنٹ پر فائرنگ کی جس کی زد میں آکر ایک شخص جاں بحق اور 5 افراد زخمی بھی ہوئے۔پولیس کا کہنا ہے کہ فائرنگ کے بعد ریسٹورنٹ مالک کو فون پر بھتے کیلئے میسیج بھیجا گیا۔ریسٹورینٹ مالک نے بتایا کہ اس سے پہلے بھتے کا کوئی مطالبہ نہیں کیا گیا تھا۔